مدحت العدل عن أزمة رامي صبري وعزيز الشافعي: "طلبت يوقفوا تبادل الاتهامات على السوشيال ميديا"

علق السيناريست مدحت العدل رئيس جمعية المؤلفين والملحنين والناشرين على الأزمة المستمرة بين الفنان رامي صبري والملحن عزيز الشافعي والشاعر تامر حسين بشأن أغنية "شكرًا"، التي يزعم صبري أنها كانت له وليست للهضبة عمرو دياب.

وقال مدحت خلال لقائه مع برنامج "et بالعربي": "كلمتهم وطلبت منهم يتوقفوا عن تبادل الاتهامات على السوشال ميديا خصوصاً، وإنه فيه حاجة اسمها جمعية المؤلفين موجودة واللي عنده شكوى ييجي يقدمها، واحنا فى وسط واحد واللي مشتغلتش معاه النهاردة هشتغل معاه بكرة، فما بالك دول ناس فنانين".

وأردف: "أنت راجل فنان يعني حساس والكلمة بتأثر فيك سواء سلبًا أو إيجابًا، يعني لغاية دلوقتي مفيش حد فيهم اتقدم بشكوى وأتمنى أن تستمر العلاقات الطيبة، وهناك جهات هي مسؤولة عن حل الخلاف بين الفنانين، لأن الخلافات شيء طبيعي بتحصل في كل حتة، عندنا نقابة الموسيقيين وجمعية المؤلفين وجهات كتيرة جداً تستطيع إنها تحل الموضوع ده اللي أنا عملته ولغاية دلوقتي لا جديد، محدش اتقدم لي بشكوى يعني".

مدحت العدل: لم يقدم أحد مثل ما قدم مرتضى منصور لنادي الزمالك خلال 5 أعوام (فيديو)

مسلسلات وأفلام وأغانٍ.. في عيد ميلاده تعرف على أبرز مؤلفات مدحت العدل