بث مباشر| والدة فتاة المول في ثاني جلسات المحاكمة: عاوزة أطلع من المحكمة بزغرد
تُعقد ثاني جلسات محاكمة المتهمين بقتل الشابة نجلاء نعمة الله، ضحية غدر الأصدقاء، اليوم الإثنين، والمعروفة إعلاميًا بـ فتاة المول، وتُجرى الجلسة في محكمة جنايات الإسكندرية، برئاسة المستشار محمد سكيكر.
وقالت والدة الشابة نجلاء نعمة الله: احنا عاوزين نروح النهاردة مجبورين الخاطر وحق نجلاء يرجعلنا من المجرمين اللي ظلموها، عشان هي كانت مُسالمة في شغلها وعمرها ما عملت حاجة في حد، وخصوصًا المجرمة صاحبتها اللي قتلتها دي ماعملتش معاها إلا كل طيب.
كما أضافت والدة فتاة المول الضحية، أن ابنتها قُتلت غدرًا، على الرغم من كونها فتاة صالحة ومجتهدة، وكانت تحب الخير لكل الأشخاص الذين حولها، فضلًا عن أنها كانت تساعد جميع الأشخاص منهم القريب ومنهم الغريب.
وتابعت حديثها قائلة: أنا اللي روحت استلمت شهادة تخرجها بعد ما ماتت، والناس هناك فضلوا يبوسوا راسي ويقولولي حقها هيرجع متخافيش، أنا عاوزة حق نجلاء من اللي قتلوها، عاوزة القصاص العادل وأطلع من المحكمة بزغرد مش بعيط على بنتي، اللي قتلت نجلاء دي لو كافرة مش هتعمل فيها كدة.
وتعود الواقعة إلى تلقي مدير أمن البحيرة، إخطارًا من الشرطة يُفيد بالعثور على جثة فتاة داخل عيادة طبيب عيون في مول سفير بشارع بورسعيد، في شارع كفر الدوار، وبعد إجراء التحريات والتحقيقات حول ملابسات الواقعة، تبين أن مرتكبة الجريمة هي نورهان صديقة الضحية، وبمعاونة آخرين.
