وثقوا تعذيبه بمقطع فيديو.. المشدد 20 عاما لزوجة وعشيقها في واقعة الزوج المنتحر ببولاق الدكرور
قضت محكمة جنايات الجيزة المنعقدة بمحكمة جنوب القاهرة بزينهم اليوم الأربعاء بمعاقبة المتهمين في الواقعة المعروفة إعلاميا بـ جريمة بولاق الدكرور في القضية التي حملت رقم 2950 لسنة 2022 إداري بولاق الدكرور، بالسجن المشدد 20 عاما للمتهمة الأولى سامية ع، والسجن المشدد 10 سنوات لشقيقتها بدور، كما قضت بمعاقبة عشيقها هلال بالسجن المشدد 20 عاما وذلك بتهمة احتجاز هيثم إ، بدون وجه حق، وتعذيبه واستعمال القسوة وهتك عرضه، وتصويره بأحدي وسائل الاتصالات والتشهير به.
قضية الزوج المنتحر ببولاق الدكرور
ومن جانبه طالب المحامي محمد مرعي المدعي بالحق المدني، من المحكمة التصدي وفق القانون لواقعة إلقاء المجني عليه من الشرفة بالدور الثاني عمدًا مع سبق الإصرار والترصد مما تسبب في وفاة.
وأضاف المحامي في تصريحات خاصة لـ القاهرة 24، أنه تم نسخ صورة أخرى من الجناية، تم تخصيصها لواقعة وفاة المجني عليه، ولا زالت بالتحقيقات ولم يحكم إلا في الجرائم السابقة.
وأوضح المحامي، أن المحكمة رفضت كل دفاع المتهمين عن أنفسهم، وتم مواجهتهم بالفيديو المصور لهم بتمثيل الجريمة أمام جهات التحقيق، وعليه صدر الحكم اليوم بمعاقبة الأولى بالسجن المشدد لمدة 20 عاما وعشيقها ومعاقبة شقيقتها بالسجن المشدد 10 سنوات.
تحقيقات قضية بولاق الدكرور
ومن جانبها قالت سامية ع، المتهمة بقتل زوجها رفقة عشيقها بعد تعذيبه: عشيقي هلال كان بييجي كل يوم يقعد معانا ويجيب الحشيش ونشرب أنا وهو وهيثم زوجي، وحصلت مشكلة بيني وبين زوجي هيثم عشان والدته كانت عايشه معانا في الشقة، وسبت البيت وسافرت الإسماعلية أنا وبدور أختي عشان نجيب شقة، بس الفلوس اللي معانا ماكنتش مكفية، فرجعنا أنا وأختي بدور ثاني بس رجعنا باتفاق إن هيثم يعاملني كأب فقط بدون معاشرة زوجية، وهو كان عايز يعاشرني واتفقنا إن هلال بييجي ينام معانا على السرير وأحط مخدة بيني وبين هلال في النصف، وأنا كنت بقول لهيثم أنا أضمن هلال ومش ضمناك أنت، وكنت بنام على الطرف وهيثم بينام في الطرف وهلال كان بينام معانا في النص، واستمر الموضوع ده ثلاث أيام.
أكملت الزوجة المتهمة سامية: بعد كدة جالي هيثم وقالي بنتي ادتني كشاف على عيني، وقلتله إزاي يا هيثم فقال إن بنتى بتقولي ازاي هلال ينام بينكم ومعاكم في النص، وقلت له إزاي البنت تقول كده دي عمرها ما تدخلت بينا في حاجة، قالي وعرض بنتي ما قلت لها حاجة.
واستكملت الزوجة: فضلت أقوله احلف بالطلاق وهو كان رافض يحلف بالطلاق، وفضلت أستفز فيه لحد ما قال عليّ الطلاق أنا مقلتش لبنتي منى على حاجة، فأنا قلت له خلاص ماشي، وأنا قلت لبنتي أنا غضبانة منك عشان إنتي بتكدبي قالت لي إن باباها اللي قالها تقول كده، وفجأة دخل جوزي هيثم علينا وكان مخضوض، وقلتله كده أنا محرمة عليك وانت نزلت من نظري يا هيثم عشان انت كداب وبتكدب وحلفت بعرض بنتك كدب وبالطلاق كدب، وأنا صممت على الطلاق وهو كان بيقلي أهم حاجة النية، فقالي أنتي لازم عشان أطلقك تتنازلي عن العيال وتدفعي مصاريف المأذون وملكيش حاجة في الشقة قلت له إزاي أنت كده بتموتني وأنا عايشة هو عشان تطلقني لازم تعمل كده، وكان هلال واقف في المشكلة دي وهيثم قالي انتي عايز تلففيني حوالين نفسي تاني.
