عمرو أديب: لاعيبة الزمالك كانت بتلعب غلط.. والأهلي عموما نادي حظه نار
قال الإعلامي عمرو أديب، إن الأهلي لعب مباراة السوبر بشكل جيد للغاية، مضيفًا: لاعيبة الزمالك نصفها بتعلب غلط.
الأهلي اليوم كان نار
وأَضاف الإعلامي عمرو أديب، خلال برنامج الحكاية مساء، اليوم الجمعة: اللاعبين كانوا واثقين إنهم هيكسبوا.. والأهلي اليوم كان نار مش حظ لأنه لعب لعب حلو.
أكمل عمرو أديب: أنت اتغلبت حقًا وصدقًا اليوم، الأهلي كان أحسن اليوم، ولو فكرنا بطريقة الظروف ومش عارف إيه أعمل حسابك إنه مفيش زمالك السنادي.
تابع أديب: الأهلي عموما نادي حظه نار، ولو الزمالك عايز يبقى منافس حقيقي يعيد النظر في اللعيبة اللي جات جديدة.. دا ماتش وفات إنما لو هتكمل كده خلاص بلاش نتكلم في أي حاجة.. ومش بعتبر كأس السوبر دا مهم.. وعمره ما كان مهم.
وتوّج الأهلي بلقب السوبر المصري بعد الفوز على الزمالك بهدفين دون رد، في لقاء أقيم على ملعب هزاع بن زايد بمدينة العين الإماراتية.
وحقق النادي الأهلي، الفوز على نظيره الزمالك في كأس السوبر المصري بنتيجة هدفين دون رد، ليحقق اللقب للمرة الثانية عشر في تاريخه، والسادسة على حساب الفارس الأبيض.
