حسن الرداد: غامرت في فيلم تحت تهديد السلاح.. وأحب الاختلاف في أدواري
تحدث الفنان حسن الرداد عن كواليس فيلم تحت تهديد السلاح، وأسباب اتجاهه للأكشن، بعد نجاح في الكوميديا.
وقال حسن الرداد خلال تصريحات لـ القاهرة 24: أنا من أول ما كنت طالب في فنون مسرحية بحب الفنان اللي بيتنوع، وحبيت إني معملش حاجة واحدة بس، فالفيلم كان بالنسبة لي مختلف.
وتابع حسن: الكوميديا من أكتر الحاجات اللي بتنجح مع نجوم الشباك، والكوميديا من الحاجات اللي لو أنت بتجيدها وليك جمهور فيها وبيبقى طريق ليك جوه وبره مصر.
وأضاف حسن الرداد: الحمد لله عملت أفلام كوميدية والناس بتحبني في الموضوع د، وبيبقى مغامرة العب في حته تانية، ومتاخدش نفس النجاح وبيبقى ريسك وأنا مش عايز ابقى في منطقة آمنة او في حاجة واحدة بس وعملت فيلم رومانسي في توأم روحي.
أما عن التعاون مع المخرج محمد عبد الرحمن حماقي، أردف حسن الرداد: محمد حماقي أعرفه من ساعة ما كان مساعد معه محمد ياسين وانا بعمل مسلسل الجماعة وشخص محترم وطيب جدًا وديما بحب لو قدرت ابقى مساهم أدي فرصة لناس جديدة وأراهن غن يبقى فيه مخرجين جداد حلوين.
أبطال فيلم تحت تهديد السلاح
حقق فيلم تحت تهديد السلاح حتى الآن 1،818،309 جنيه، منذ طرحه قبل أسبوع في دور العرض المصرية، وضم العديد من الفنانين مع حسن الرداد، ومنهم: مي عمر، شيرين رضا، بيومي فؤاد، أحمد بدير، عمرو عبد الجليل، فتحي عبد الوهاب، جودي مسعود، عباس أبو الحسن.
