أسامة أبو العطا: المنظمون رفضوا دخولي ندوة كاملة أبو ذكري لعدم حصولي على كارنيه مهرجان القاهرة
أعرب الفنان أسامة أبو العطا، عن استيائه الشديد من رفض أحد المنظمين له حضوره ندوة المخرجة كاملة أبو ذكري على هامش الدورة 44 لمهرجان القاهرة السينمائي.
وكتب أسامة أبو العطا، منشورًا عبر حسابه الشخصي بموقع التواصل الاجتماعي فيسبوك، حيث قال: إمبارح رحت ندوة تكريم المخرجة كاملة أبوذكري في مهرجان القاهرة سألني شاب على باب الدخول معاك تذكرة قلتله لأ قالي معاك ID قولتله لأ قالي مينفعش تدخل فقولتله.
وتابع أبو العطا: أنا يا ابني معايا بطاقة مكتوب فيها إني مخرج سينمائي ومعايا كارنيه بيقول إني عضو في نقابة المهن السينمائية ينفعوا دول قالي لأ لازم تذكرة أو أي دي طبعا استغربت إزاي دخول ندوة تكريم الأصل فيها احتفاء الجمهور بالمكرم يبقى بتذكرة وقدامي كان في أماكن مش قليلة في المسرح.
وأضاف: لو أعرف كنت رحت قطعت تذكرة من الأول وخلصت المهم قلتله طيب أنا جاي بس أحضر الندوة دي وخلاص ولا أنت شوفتني قبل كده هنا ولا هتشوفني هنا تاني، أنا القوامة من على الكنبة بالنسبة لي فيلم أكشن عديها المرة دي أنا جاي من بعيد وزي والدك حتى شوف الشعر الأبيض.. فمشكورا ضحك ودخلني.
واختتم أبو العطا: أنا بقول يعني لو الأستاذ حسين دخل أعضاء النقابات الفنية وطلبة المعاهد الفنية بكرنيهاتهم عموما وخصوصا في التكريمات هتبقى حاجة كويسة وهي المنطق الطبيعي للأمور. وطبعا هو أدري ده مقترح.
