السيسي لـ المواطنين: ربنا جبلنا موارد مش في الحسبان.. ومحدش بيخطط لبلده كدة
قال الرئيس عبد الفتاح السيسي، إن نصيب الفرد من الأراضى الزراعية في عهد محمد علي كان يصل إلى فدان، موضحًا: محتاجين نعرف كويس ليه احنا بقينا كده، علشان متتهمش الدولة وتقول هي فين.. لا كلنا مع بعض.. دي بلدنا ونخلي بالنا منها.
الرئيس السيسي: ربنا جبلنا موارد مش في الحسبان ومستنيين نورث
وأضاف السيسي، خلال افتتاح المرحلة الأولى لمدينة المنصورة الجديدة: ربنا جاب لينا موارد مش في الحسبان، ومحدش بيخطط لبلده كدة.. يقولك مستني ربنا يوفقنا ويبعتلنا حاجة يعني نورث.. عاوز أقول إذا ما كانتش مؤسسات الدولة بالكامل معانا.. احنا مش في جنب لوحدنا.. احنا واحد ومع بعض كلنا، ولينا فيها زي بعض
وحرص الرئيس عبد الفتاح السيسي، على توجيه رسالة بقوله: ياجماعة يا بتوع ربنا بقالكم 50 سنة بتدعوا.. تصدقوا بالله إنتم بتظلموا الدعاء.
وأضاف السيسي خلال مداخلة له على هامش كلمة الدكتور عاصم الجزار وزير الإسكان، خلال افتتاح مدينة المنصورة الجديدة بمحافظة الدقهلية: دعاء من غير عمل، ربنا مبيعملش كده، وتعمل وتقول يا رب.. ربنا يوفقك، لكن تدعي بس.
كان الرئيس عبد الفتاح السيسي، قد وصل صباح اليوم، إلى مدينة المنصورة الجديدة، اليوم الخميس، وذلك على هامش زيارة الرئيس لمحافظة الدقهلية لافتتاح عدد من المشروعات القومية بالمحافظة، وافتتاح المرحلة الأولى من مدينة المنصورة الجديدة.
