فرج عامر: طارق العشري بيعاند.. وعلاقتي به مش هتتحسن
انتقد فرج عامر رئيس نادي سموحة، طارق العشري المدير الفني لفريق سموحة، مشددا على أن علاقته به ستظل سيئة ولن تتحسن.
تصريحات فرج عامر
وقال فرج عامر في تصريحات تلفزيونية: علاقتي مع طارق العشري مش هتتحسن، طارق العشري طلب بعض اللاعبين وبعد كدة قالي مش عايزهم وده سبب أزمتي معاه.
وأضاف فرج عامر: طارق العشري بيعاند مع زياد طارق ومش عايز يلاعبه، على الرغم من المستوى الفني المميز للاعب، ورغم الفوز اليوم على سيراميكا أداء سموحة لم يكن الأفضل.
وكشف فرج عامر رئيس نادي سموحة السبب الأساسي لتوتر علاقته مع طارق العشري المدير الفني للفريق الأول لكرة القدم.
وواصل فرج عامر: السبب الأساسي لأزمتي مع طارق العشري أن المدرب طلب بعض اللاعبين ثم أبلغني بأنه لا يريد هؤلاء اللاعبين، وجبتله زياد طارق، وبعد كدة بيعاند مع اللاعب ومش عايز يلاعبه.
وواصل فرج عامر حديثه قائلا: بصراحة علاقتي مع طارق العشري هتفضل كدة بسبب العند اللي بيعمله.
وهاجم فرج عامر، الهاني سليمان حارس مرمى فريق الكرة الأول بنادي سموحة وذلك بعد فوز سموحة اليوم على سيراميكا كليوباترا في الدوري الممتاز.
واختتم فرج عامر تصريحاته: كان لابد من استبعاد الهاني سليمان من مباراة سيراميكا كليوباترا، الحارس كان قاعد يهزر في ماتش الأهلي من الأول والكل شاف الأخطاء، لذلك كان لازم يستبعد وقبل ماتش الأهلي كان مرتكب بعض الأخطاء برضو.
