عزيز الشافعي: أنا إنسان خالد بسبب أعمالي.. وأتمنى بعد وفاتي يقولوا عليا ملحن كبير
تحدث الشاعر والملحن عزيز الشافعي عن هدفه من الحياة، وما الذي يتمناه بعد وفاته، وإلى جانب حديثه النصيحة الذي يمشي عليها في حياته.
وقال عزيز الشافعي خلال تصريحات تليفزيونية: صعب تغلطيني ولو غلطت بعتذر بعدها بـ ثانية، فصعب أكون غلطان ولما حد بيغلط فيا مبستحملش بالذات لو معتذرش.. وأنا على طول تحت ضغط، ولو مفيش ضغط مش هعرف أعمل حاجة.
وأضاف عزيز الشافعي: أنا إنسان خالد هموت وهيفضل اللي عملته موجود.. وده هدفي في الحياة الخلود، وبليغ حمدي وسيد درويش وأم كلثوم ممتوش، وأتمنى الناس تقول عليا بعد ما أموت ملحن مصري كبير.. وكان راجل محترم مش بتاع مشاكل.
وعن النصيحة الذي يمشي بيها في حياته، أوضح عزيز: النصيحة اللي عمري ما هنساها.. كان في ندوة لمخرج أمريكي في مهرجان كان، وقال لكل الصحفيين أنا أحسن منكم كلكم، لأني أنا الوحيد اللي شغال في الفن.. بصحى كل يوم الساعة 8 بفطر مع أولادي وبشتغل يوميًا من الساعة 10 لـ 4 كل يوم شغال فنان، والعمل اليومي دي أكتر نصيحة بعمل بيها.
واختتم عزيز الشافعي حديثه: مش دايما الناس فيها خير وبركة، وأغنيتي الأخيرة وهي ولاد ناس عن تجربة شخصية.
آخر أعمال عزيز الشافعي
تعد أغنية ولاد ناس هي آخر أغاني عزيز الشافعي، وهو الذي قام بغنائها وهي من كلماته وألحانه، وجاءت كلمات الأغنية كـ الآتي: شوفنا الجدعان وشوفنا الصاحب الخوان.. عرفنا ولاد الناس وعرفنا بشر رخاص
شوفنا الإنسان إزاي على أخوه الإنسان بيدوس.
