ضربه بمطوة.. قهوجي ينهي حياة عامل دليفري في بولاق الدكرور
لقي شاب يدعى أدهم عبد الستار 22 سنة عامل دليفري مصرعه، إثر اعتداء قهوجي عليه بالضرب باستخدام سلاح أبيض - مطواة -، بسبب نشوب مشاجرة بينهما بسبب خلافات سابقة، بمنطقة بولاق الدكرور في الجيزة.
مقتل عامل دليفري في بولاق الدكرور
وقال والد المجني عليه لـ القاهرة24: اللي حصل إن كان في مشكلة بين أفراد أسرتي وبين مالك قهوة في المنطقة في بولاق الدكرور ونجله م.ش 25 سنة قهوجي من 5 سنين بسبب خلافات الجيرة وأهالي المنطقة تدخلوا وتصالحنا، لكن بعدها والد المتهم كان يفتعل أزمة جديدة عشان المشاكل تبقى مستمرة.
وتابع والد المجني عليه: وبعد فترة من الصلح ابني كان في حاله وبعيد عن المشاكل واشترى موتوسيكل قسط عشان يشتغل عليه دليفري في صيدلية، ونجلي الأكبر خد قرض من البنك عشان يفتح مشروع عشان يساعد أخوه.
وأكمل: يوم الواقعة ابني كان قاعد على قهوة والد المتهم وحصل مشكلة بينه وبين المتهم وتطورت، والأهالي تدخلوا لفض المشكلة والمتهم استغل انشغال ابني في الكلام مع الأهالي واستخدم سلاح أبيض مطواة وسدد أكتر من طعنة في بطن ابني، والناس في الشارع حاولت تسعفه وتنقله المستشفى لإنقاذه ولكن توفي قبل وصوله.
