دانا حمدان: مش بحط الحسد في دماغي علشان ما اسمحش لحد يحجمني.. ومش كل لبسي من الوكالة
تحدثت الفنانة دانا حمدان، عن الحسد، مشيرة إلى أنها تظهر بطبيعتها مع جمهورها وتشاركهم معظم ما تفعله دون أن تخشى الحسد.
وقالت دانا حمدان لـ القاهرة 24: لو هاخد مبدأ الحسد وهحطه في دماغي مش هعمل حاجة في حياتي في العموم، ولكن أنا بنصح أي حد يكمل حياته عادي طالما بيعمل حاجة صح وما ينفعش يوقفها لأنك بتسمح للي عاوز يحجمك في الاتجاه الغلط أنه ينجح.
كما تحدثت دانا حمدان عن شراء ملابسها من الوكالة والعتبة، حيث سبق أن شاركت جمهورها أكثر من مرة فيديو وهي تشتري الملابس قائلة: مش بشتري لبسي دايما من هناك خلينا نكون منطقيين وحقيقيين ولكن بروح أجيب من مناطق زي الوكالة والعتبة ودرب البرابرة وحارة اليهود حاجات معينة، وفي مرة نزلت الوكالة علشان أشتري لبس لشخصيتي في الطاووس لأن في حاجات مش هلاقيها في الأسواق العادية والمولات وده لا يعيبني، ولكن مش كل لبسي من هناك.
وأضافت دانا حمدان: فيه فرق في الأسعار وهناك فيه فصال وأخد وعطا وفيها براند وتشكيلة اللبس لو روحت المول مش هتلاقيها والكواليتي عالية لكن الناس فاكرين أنك لما تنزلي المناطق دي علشان رخيصة بالعكس عندهم أطقم بالوفات ولكن الفرق انك بتعرفي تفاصلي.
آخر أعمال دانا حمدان
يعد مسلسل الطاووس آخر عمل شاركت فيه الفنانة دانا حمدان والذي عرض في الموسم الرمضاني لعام 2021، من بطولة سهر الصايغ وجمال سليمان وسميحة أيوب وأحمد فؤاد سليم ورانيا محمود ياسين ومجموعة أخرى كبير من الفنانين.
