حمدي بتشان تعليقًا على تصريحات هاني محروس: إيده مبروكة والشغل معاه ناجح
علق المطرب حمدي بتشان، على تصريحات المنتج هاني محروس، الذي أعرب عن استيائه بسبب عدم تقديره وتقدير صناع أغنية سطلانة من قِبل مغنيي الأغنية، وذلك خلال لقائهم في برنامج صاحبة السعادة.
وقال حمدي بتشان في تصريح خاص لـ القاهرة 24: محمود الليثي اتكلم عن صناع أغنية سطلانة وذكر المنتج هاني محروس، ولكن الوقت كان ضيق وفي 4 غيره في البرنامج، ولكن أنا بحب هاني محروس جدًا وهو رقم واحد في صناعة الأغنية دي وله الفضل فيها.
وتابع حمدي بتشان حديثه عن المنتج هاني محروس: أنا بحبه جدًا على المستوى الشخصي وهو اللي طلب وجودي في أغنية سطلانة، وهو منتج كبير وإيده مبروكة، والشغل معاه دايمًا ناجح.
هاني محروس: اشمعنا عبد الباسط حمودة يشتغل وحمدي بتشان لأ؟
وسبق أن كشف المنتج هاني محروس، تفاصيل اختياره المطرب حمدي بتشان للمشاركة في أغنية سطلانة، وقال في تصريح خاص لـ القاهرة 24: أنا اللي طلبت عم حمدي بتشان يشارك في الأغنية، أنا بحب الراجل ده وهو من جيل عبد الباسط حمودة، اشمعنا ده يفضل شغال وعم حمدي ميشتغلش؟ دي حاجة مترضيش ربنا.
أزمة هاني محروس ومغنيي أغنية سطلانة
كما أعرب المنتج هاني محروس خلال تصريحاته عن استيائه الشديد، بسبب عدم تقدير مغنيي أغنية سطلانة، لـ صناع الأغنية خلال لقائهم في برنامج صاحبة السعادة، قائلًا: المطربين مقدروش صناع أغنية سطلانة، المطربين دول جُم على الجاهز، والأغنية دي فكرة صناع مش فكرة مطربين هما غنوا على الجاهز، والأغنية دي مكنش المفروض هما اللي يغنوها، كان علي ربيع المفروض يغنيها ولكن هو خاف يغنيها وشاف أنها كبيرة عليه كممثل صعب يغنيها لإنه مش مطرب، والأغنية أصلًا مش معمولة لمطربين واتعدل فيها علشان يغنوها.
