تامر عاشور عن أحمد سعد: بيغني أحسن من أي حد.. ومش أي حاجة ترضي قدرات الراجل ده
وجه المطرب تامر عاشور رسالة إلى الفنان أحمد سعد مشيدًا بموهبته؛ إذ أكد أنه يغني أفضل من أي فنان آخر.
وكتب تامر عاشور عبر حسابه بموقع إنستجرام: أحمد سعد بيغني أحسن من أي حد وينافس ويُثابر ويبذل مجهود ويتحدى ويفرض نَفسه وذوقه وفنّه في كل مرة لحد ما يوصل للي عايزه ويرضيه ومش أي حاجة ترضي فنان بقدرات وفن الراجل ده.
وأضاف تامر عاشور: كل ده حصل وبجدارة وتفوق وبيحصل وهيحصل كتير، ولو اتكلمت عن أحمد سعد الجدع اللي يا ريت كل الناس تبقى عندها نيته وقلبه الأبيض اللي ميختلفش عليه اتنين وناس كتير معاشرينه وعارفين ده..كلامي مش هيوفّيه حقه.
واختتم تامر عاشور حديثه عن أحمد سعد كاتبًا: أنا بحبك وبحترمك وبحترم مشوارك ونجاحك يا صديقي فوق الوصف وأفتخر بيك ربنا يزيدك ويبعد عنك كل شر.
تامر عاشور وأحمد سعد يشاركان في حفل ليلة الدموع
وشارك تامر عاشور وأحمد سعد أول أمس في حفل ليلة الدموع، الذي أقيم في مدينة جدة بالمملكة العربية السعودية، ونظمته الهيئة العامة للترفيه برئاسة المستشار تركي آل الشيخ على مسرح بنش مارك، وشارك فيه مجموعة من الفنانين أيضًا منهم طارق الشيخ، حمادة هلال، هيثم شاكر، مسلم، وقدم الفنانين مجموعة من أغانيهم الحزينة التي بدؤوا بها مسيرتهم ليستعيد الجمهور العربي معهم نوستاليجيا موسيقى التسعينيات.
