ركين سعد: ظروف الشغل في التمثيل صعبة.. ومصر احتضنتني
تحدثت الفنانة الأردنية ركين سعد، عن إقامتها في مصر ومدى حبها وامتنانها لشعب مصر، إلى جانب حديثها عن كواليس مشاركتها في مسلسل سفاح الجيزة الذي عرض مؤخرًا وحقق نجاحًا كبيرًا وقت عرضه.
وقالت ركين سعد في لقائها مع الإعلامي معتز الدمرداش في برنامج ضيفي على قناة الشرق: أنا مقيمة في مصر من عامين.. أول مرة جيت مصر عام 2017 في مسلسل واحة الغروب، ورجعت تاني في 2021 يعني بقالي عامين.
وأضافت ركين سعد: الحب اللي حساه في مصر كبير، لأن البلد دي احتضتني وحبتني وأدتني فرصة وممتنة لوجودي في مصر وبعتبرها أنها بلدي التاني.
وأوضحت ركين سعد: الناس على طبيعتها وبتعبر وبتتكلم من قلبها.. ومن وقت لما جيت في 2017 الناس بتحسسني أني منهم ومش غريبة عنهم ودي حاجة بتأثر فيا جدًا وشعب مصر جميل وبيحب النكتة وطيب والناس صادقة، الحاجات دي كلها بتحسس أي إنسان جاي من بره أنه جاي لبلده وأهله، ومصر فيها حياة حماسية وبلد ضخمة وعريقة والطاقة اللي فيها مختلفة جدًا.
وعن المحطات المؤثرة في مشوراها القصير منذ بدايتها، خاصة بعد النجاح الكبير الذي حققته في مسلسل سفاح الجيزة، مؤكدة أن النجاح لم يأتي لها بين عيشة وضحها على طبق من ذهب، إذ قالت: هي رحلة دايما بشوف أني لسه ما عملتش حاجة، وأنا بمثل من 2010 بشتغل وبحس أن فيه حاجات كتير عاوزة أقدمها، وهو مشوار صعب مش سهل والشخصيات كمان ساعات بتكون صعبة وظروف الشغل صعبة خاصة أن ساعات كتير مش بتكون مع عيلتك وصحابك علشان عندك تصوير وده صعب وأنا بحاول اعمل توازن بين عيلتي وشغلي لأن فكرة البعد عن أهلي وعيلتي صعبة، إلى جانب أن المهنة نفسها صعبة.
وأضافت ركين سعد: مرة كنت بعمل ورك شوب ومدربة التمثيل في كندة قالت لو عندك أي حاجة تانية وشاطرة فيها روح اعمليها لأن المهنة دي صعبة لو مش بتحبيها أوي ومش عندك شغف قوي ليها بلاش تكملي فيها لأن هي مهنة صعبة مش سهلة.
