العضو لازم يحس بالأمان.. بشرى من هاني العتال لأعضاء الزمالك بشأن فرع أكتوبر
تحدث هاني العتال المرشح لـ نائب مجلس إداراة نادي الزمالك، عن سبب تأخر إقامة فرع نادي الزمالك بمدينة 6 أكتوبر، وكذلك كشف عن حلول الأزمة.
تصريحات هاني العتال
وقال هاني العتال في تصريحات تليفزيونية قبل قليل اليوم السبت: نادي الزمالك كان المفروض بدل الفرع يبقى ليه 3 و4، ولكن يوجد ظروف معينة بتحصل دائمًا داخل نادي الزمالك وهي تغيرات في مجالس الإدارات بشكل مستمر، فـ ده اللي بيعطل دايمًا المسيرة إنك تبص لـ قدام.
بشرى من هاني العتال لـ جماهير الزمالك
وأكد هاني العتال: لكن في وجود مجلس إداراة محترم ومستقر، بالإضافة إلى تخطيطات محترمة لـ إنشاء فرع أكتوبر، هيتم إنشاء الفرع.
وأضاف: أرض نادي الزمالك في أكتوبر مساحتها 129 فدانا، ومساحة نادي الزمالك في ميت عقبة ما يقرب 40 فدانا تقريبا.
وأكمل: عشان تتعاقد مع شركات وعشان تجيب مستثمر، وعشان العضو ذات نفسه يأتي ويضع فلوس لكي يكون عضوًا في نادي الزمالك في الفرع بتاع 6 أكتوبر، لازم يبقى حاسس بالأمان، هذه نقطة مهمة جدًا جدًا، وبالمناسبة اسم نادي الزمالك "بياع".
واختتم: نادي الزمالك له تاريخ وله ماضٍ قوي، وله حاضر قوي، ويجب أن يكون له مستقبل أقوى، لكن لازم جميع الناس تضافر، عشان هي دي المرحلة الأساسية لو قدرت تعمل ده، الخطوات القادمة ستمر بانتظام.
