محمد عطية يعلق على أحداث غزة: إحنا تفاعلنا قل ولسه في قصف وناس بتموت
نشر الفنان محمد عطية فيديو عبر حسابه بموقع انستجرام، حث فيه الشعوب العربية على تكثيف التفاعل مع القضية الفلسطينية في ظل الأحداث المريرة التي يمر بها قطاع غزة بسبب الاحتلال الإسرائيلي.
وقال محمد عطية في الفيديو: على فكرة لسه في ناس بتموت وأطفال بتتقتل والقصف لسه متسمر والـ 24 ساعة اللي فاتو هما أسوأ 24 ساعة عدوا على قطاع غزة، منذ بداية عمليات القصف، ولكن إحنا عندنا نقطة تحول في كيفية تفاعلنا مع الأحداث خاصة بعد اليوم اللي تم فيه قذف المستشفى، لأن قبلها كان بنتفاعل بشكل مستمر وحصل قصف اللي هي أبشع كارثة بشرية فبدأنا نتفاعل بطريقة أقل مما سبق.
وأضاف محمد عطية: الناس دي مش بتعمل حاجة اعتباطا، وأداك أبشع حاجة علشان تتقبل الواقع اللي بعد كده وتتبلد مشاعرك، ومن امبارح للنهارده الاحتلال نفذ 24 مجزرة بشرية من ضمنهم قصف مدرسة أطفال، وكل ده وإحنا بنتكلم ما بالكم لو سكتنا.
وفي وقت سابق، ناشد الفنان محمد عطية المشاهير والمؤثرين على مواقع التواصل الاجتماعي، للتحدث ودعم القضية الفلسطينية، إذ نشر مقطع فيديو عبر حسابه بموقع تبادل الصور والفيديوهات انستجرام، قال فيه: أناشد جميع المؤثرين على السوشيال ميديا من ممثلين ولاعبين كرة وبلوجرز، أرجوكم اتكلموا على اللي بيحصل في فلسطين.. سنُسأل لاحقا عن شعب تم إبادته بالكامل قدام عينينا وإحنا واقين بنتفرج.
محمد عطية يناشد المشاهير على السوشيال ميديا من أجل دعم فلسطين
وأشار محمد عطية إلى أن الوضع هناك أسوأ من السجن، قائلًا: إسرائيل أمرت بإخلاء شمال غزة، ولو ممشيوش أنتو عارفين إيه اللي هيحصل، والإعلام الغربي بيباركوا الإبادة الجماعية في فلسطين وشايفين إن إسرائيل هي الضحية، وبلاش الكلام بتاع هو الكلام هيأثر؟.. إحنا مفيش في إيدينا حاجة نعملها غير ده ولو في حاجة تانية قولولي وأنا أول واحد هعملها، فمفيش غير إننا نتكلم على السوشيال ميديا وأرجوكم متزهقوش.
