أحمد خالد صالح عن مشاركته في فيلم ليلة العيد: قلبي كان بيتقطع في مشاهد ريهام عبد الغفور
تحدث الفنان أحمد خالد صالح، عن مشاركته في فيلم ليلة العيد، بطولة الفنانة يسرا، والذي طُرح خلال الأيام القليلة الماضية بدور العرض السينمائي.
وقال أحمد خالد صالح، في تصريحات إذاعية: الحمد لله أنا راضٍ جدًا عن ردود الفعل على الدور ومبسوط إني كنت في فيلم زي ده، والفضل يرجع لأستاذ سامح عبد العزيز تعب أوي معايا في الشخصية لأنها بعيدة جدًا عني، وأي نجاح في الفيلم جزء كبير منه يرجع له.
وأضاف أحمد خالد صالح: بصراحة لما بتبقى الشخصية بعيدة عني بالشكل ده بيحمسني لأن بيبقى حاجة جديدة الواحد بيكتشفها ومستحيل يعملها في حياته، فأنا مبخافش من الشخصيات اللي بعيدة عني ببقى متحمس لها.
وعن تعاونه مع الفنانة ريهام عبد الغفور، خلال أحداث فيلم ليلة العيد، فعلق أحمد خالد صالح: وأنا بتفرج على مشاهدها كان قلبي بيتقطع، وهي تعبت أوي في الدور وأستاذ سامح عبد العزيز كان قائد بجد خاصة في المشاهد اللي زي دي.
وأضاف: أنا لسة مستني تعليقات برضوا من الجمهور، ومن أكتر التعليقات اللي جاتلي أنهم كرهوني، والحمد لله على ردود الفعل.
أبطال فيلم ليلة العيد
يشارك في بطولة فيلم ليلة العيد مجموعة من الفنانين منهم: الفنانة يسرا، يسرا اللوزي، عبير صبري، ريهام عبد الغفور، نجلاء بدر، هنادي همنا، والعمل من تأليف أحمد عبد الله، وإخراج سامح عبد العزيز.
