بسمة وهبة عن أزمة تصريحات بوسي وطليقها: كان قصدي خير ومش حابة أكون طرف بينهم | بث مباشر

علقت الإعلامية بسمة وهبة، على الأزمة التي أُثيرت في الآونة الأخيرة عبر مواقع التواصل الاجتماعي، وذلك بسبب تصريحات الفنانة بوسي بشأن طليقها هشام ربيع خلال استضافتها في برنامجها العرافة.

بسمة وهبة تعلق على أزمة تصريحات بوسي وطليقها

وقالت بسمة وهبة: حكاية بوسي وهشام أنا مش حابة أكون طرف فيها.. وكل اللي أقدر أقوله إن الموضوع دخل في حتة مش حلوة لأن بوسي وهي معايا في الحلقة مغلطتش في هشام أبدًا وهي عمرها ما غلطت فيه.

وأضافت بسمة وهبة: أنا مأقنعتش بوسي تتكلم عن هشام ربيع حلو عشان هي كانت عايزة تتكلم وحش لأ بالعكس.. بس أنا كنت بتكلم مع واحدة مطلقة واللي عرفته إنه كان بيحبها وهي بتحبه.. فـ قولتلها ليه مترجعوش لبعض؟ وخاصةً لما لقيت إنها مش بتغلط فيه فـ قولتلها طب ما نهدي النفوس وتقوليله كلمتين حلوين قدام الكاميرا.. فـ هي قالتلي لأ بس أنا ضغطت عليها الصراحة.

كما أوضحت بسمة وهبة أنها ترى من وجهة نظرها أنها أخطأت فيما فعلته من إقناعها للفنانة بوسي أن تتحدث عن طليقها هشام ربيع، معلقة: أنا نسيت إن فيه زوجة موجودة وأكاد أكون أخطأت.. ولكن أنا شايفة إني مأخطأتش لهذه الدرجة لأن هشام كان عنده زوجتين ولما يطلق واحدة وبعدين تقوله أنا لسه بحبك أنا مش شايفة إن ده ممكن يخرب البيوت زي ما هشام قال.

واستكملت بسمة وهبة: أنا كان قصدي خير ومستغربة إن إزاي هشام يقولها انتي خربتي بيتي عشان قالت إنها لسه بتحبه.. طب هو البيت متخربش لما كانوا الاتنين على ذمته؟