حورية فرغلي تكشف مصدر الملايين التي امتلكتها قبل دخولها مجال الفن: كانت بتجيلى جوايز كتير وأحصنة
حلت الفنانة حورية فرغلي ضيفة على برنامج العرافة، الذي تقدمه الإعلامية بسمة وهبة، وخلال لقائها كشفت مصدر الملايين التي كانت تملكها قبل دخولها الوسط الفني.
وقالت حورية فرغلي: الفلوس الكتير اللي معايا من قبل دخولي مجال الفن من شغلي وتعبي ونجاحاتي، كنت البنت الوحيدة في الوطن العربي كله اللي دخلت منافسة خيل، وكانت بتجيلى جوايز كتيرة أحصنة وفلوس.
وأوضحت حورية فرغلي: مامي وبأبي حاولوا كتير يساعدوني بس أنا كنت برفض وكنت بقول لأ، أنا عايزة أعمل فلوسي بنفسي، من قبل التمثيل وأنا مرتاحة وباخد جوايز وبطلة وطن عربي.
حورية فرغلي تتحدث عن معاناتها مع الجن
وكانت تحدثت حورية فرغلي في الحلقة على معاناتها مع الجن، قائلة: اللي في البيت عندي ده ملوش علاقة بالجن ولا السحر.. أنا كنت اشتريت الشقة دي وكانت مقفولة لسنين طويلة لأنها كانت بتاعت الفنان محمد عبد الوهاب.
وأضافت حورية فرغلي: اشتريت الشقة 2013، في مرة كنت قاعدة في الشقة لقيت الشغالة داخلة عليا بالغداء، وبقولها ليه جايبة الأكل دلوقتي، قالتلي حضرتك اللي طلبتي فاستغربت، وفي مرة تانية لقيت في الصالة بنت صغيرة قاعدة.
واستكملت حورية فرغلي: ومرة تالتة شوفت ولد صغير قاعد على السفرة، وكمان جرس البيت كان بيرن لوحده، في الأول خفت من الحاجات اللي بتظهر دي كتير، ولكن دلوقتي مبقتش أشوفهم زي الأول، وبسبب الموضوع ده سواقين وخدامين مشيوا من عندي.
أعمال حورية فرغلي
يذكر أن حورية فرغلي، شاركت في مسلسل أيام الجزء الثاني بعد النجاح الكبير الذي حققه الجزء الأول، في الجزء الثاني من المسلسل يحاول سليمان، إخفاء علاقته السرية بـ رحاب بعيدًا عن عبير، ويسعى الطبيب رائد لإقناع غادة بعدم الحمل من سامر حتى لا تنجب طفلا مشوها، وعلى الجهة الأخرى يظل كريم يبحث عن حقيقة تورط رياض في مقتل والده وعمه أبو عبير.
مسلسل أيام ج2 بطولة رياض الخولي، أحمد صفوت، سلوى خطاب، ندى موسى، حورية فرغلي، شيري عادل، والعمل من تأليف سماح الحريري، وإخراج محمد أسامة.
