رد صادم من زينة على إمكانية زواجها مرة أخرى: معنديش حاجة أديها لحد
كشفت الفنانة زينة عن إمكانية دخولها في قصة حب جديدة وزواجها، مؤكدة أنها لا تفكر في هذا الأمر مطلقا.
الحب في حياة زينة
وأكدت زينة في حوارها مع القاهرة 24، أنها لم ولن تعيش قصة حب، مضيفة: مش عايزة أعيش قصة حب، ومش عايزة أبقى جاهلة، لأن من الجهل أني أنفي حاجة أو أقول مستحيل تحصل، لأن ممكن تحصل والحياة مفهاش مستحيلات، بس أنا مش من الناس اللي ممكن تتجوز كذا مرة ومش ضد الناس اللي بتعمل كدا دي سُنة وحلال.
وأضافت زينة: بس هل أنا هعيش قصة حب فـ هنبعت لبعض رسايل أو أغاني وكدا، لا وأنا معنديش حاجة أديها لحد أكتر من كدا، محدش هيرضى بكدا، ومش همشي الكون على مزاجي، بس أقدر أعيش بمزاجي أنا، أن أمشي على نفسي، ودايما بحس أن الست اللي بتتجوز بتكون محتاجة حد يساعدها ويشيل معاها، فخلاص بقى شيلنا كتير واتحملنا كتير أوي وجمدنا، وطول ما أنا قادرة هشتغل وأعيش في مستوى كويس أنا وعيالي.
وختمت زينة حديثها: الانبساط هتعيشه بطريقتك، أنا مش محتاجة، وماما بتقولي يابنتي دي أحلى سنين عمرك، قولتلها أحلى سنين عمري عدت خلاص.
آخر أعمال زينة
شاركت زينة في موسم رمضان 2024، بمسلسل العتاولة، بطولة الفنان أحمد السقا، وضم العمل مجموعة كبيرة من الفنانين، أبرزهم: طارق لطفي، باسم سمرة، مي كساب، فريدة سيف النصر، مصطفى أبو سريع، مريم الجندي، وغيرهم، والعمل من إخراج أحمد خالد موسى.
