زينة تفجر مفاجأة لـ القاهرة 24: قناة BBC هتقتبس مني عمل وتعرضه في إنجلترا| خاص
تحدثت الفنانة زينة عن مسلسلها الذي يحمل اسم الليلة واللي فيها، والذي عرض قبل عامين على منصة شاهد وحقق نجاحا كبيرا، كاشفة مفاجأة عن اقتباس العمل في إنجلترا.
زينة: BBC هتقتبس مسلسل مني
وقالت زينة خلال لقاءها مع القاهرة 24: قناة BBC هتقتبس مني مسلسل الليلة واللي فيها، وهيتم تقديمه بممثلة أجنبية في إنجلترا، ودي أول مرة تحصل في مصر أن دولة تانية تاخد أعمال مننا.
كما كشفت زينة سبب اتجاهها لـ لدراما المنصات، وذلك بعد رفضها الأمر في بداية ظهورها، موضحة: أنا بالنسبالي المنصات مكنتش بتفرج وبعدين اتفرجت ولاقتها حلوة ولما عملت 6 حلقات كأنهم 6 أفلام كل حلقة لوحدها.
وأضافت زينة: قولت لو دخلت المنطقة دي لازم أحقق فيها حاجة ودا توفيق من ربنا، وأنا عمري ما دخلت مكان غير لما أحقق فيها نجاح مختلف، ولما دخلت منصة شاهد باب كبير وناس كبيرة زي هاني خليفة ومحمد رجائي، والنجاح ده بتاع ربنا.
وأردفت زينة: بس عناصر النجاح كلها كانت موجودة، واجتهدنا وحققنا نجاح كبير أوي، ودلوقتي بقوا يتكملوا أنهم عايزين نعمل حاجة زي الليلة واللي فيها.
وعن جراءة العمل، قالت زينة إنها على اقتناع تام بتقديم الأعمال الجريئة، ولكن ليست مشاهد، مشيرة إلى أنها ممثلة وتقدم هذه الأعمال في إطار التمثيل، موضحة: أنا بمثل، ومقتنعة بفكرة وهي إني أقدم عمل جريء بس معملش مشهد، أنا بقدم حاجة موجودة حقيقي.
أبطال مسلسل الليلة واللي فيها
العمل من بطولة الفنانة زينة، وشارك فيه كلا من: سماح أنور، محمد شاهين، أبو يوسف، وليد حامد، بكري خالد، آلاء سنان، علاء مرسي، سملى زكي، شريف نور الدين، أحمد أبو اليزيد، شيماء الشريف، وتكون العمل من 6 حلقات، وعرض على منصة شاهد عام 2022، وحقق نجاحا كبيرا.
