“مأجر عيل وست يشتمونا”.. مرتضى منصور لـ”هاني العتال”: “أبوك كان عربجي وبقى حرامي ومزور” (فيديو)
علق مرتضى منصور رئيس نادي الزمالك على قرار محكمة القضاء الإداري بعدم قبول الدعوى المقامة من هاني العتال نائب رئيس نادي الزمالك لوقف انتخابات نادي الزمالك التكميلية لرفعها من غير ذي صفة، ضد وزير الشباب والرياضة بصفته ورئيس الإدارة المركزية لمكتب الوزير بصفته والمدير التنفيذي لوزارة الشباب والرياضة بصفته ومدير مديرية الشباب والرياضة في الجيزة بصفته والمدير التنفيذي لنادي الزمالك بصفته ورئيس نادي الزمالك.
ووصف مرتضى منصور في فيديو جديد عبر قناته على موقع “يوتيوب”، حكم محكمة القضاء الإداري بـ”يوم العدالة”.
وأضاف رئيس الزمالك: “من 2017 فى عيل مزور تافه اسمه هاني العتال، أبوه مجدي العتال أنا ضاربة علقة على باب الزمالك لأنهه كان جاي يبلطج فخد على نفوخه”.
وواصل: “صرف ملايين على قناة اسمها LTC عشان يشتمونا وأجر عيل ومرة عشان يشتمونا، مرة اسمها أبو المعاطي زكي، وأحب أقوله اتقى ربنا يا أخي.. بايع تأشيرات حج ومرتشي وواخد رشوة من العتال عشان يذيع فرح الهانم اخته فى مودرن سبورت أيام مدحت شلبي”.
واستكمل: “والواد التاني أبو جعورة اللى شبه الخروف بالظبط، مين دول؟ فلوس بتدفع عشان نتشتم كل يوم، ومش أنا اللى قولت دي التسجيلات بتاعه أحمد سيلمان وهو بيكلمهم يعني مرتشين علني”.
وفى حديثه عن والد هاني العتال، قال مرتضى منصور: “مش عيب إن أبويا يكون عربجي .. أبوك كان عربجي بيشيل بتاعه على كتفه عشان كده سموه العتال.. مش عيب أبويا يكون سواق عربجي بقال آى حاجة مش عيب .. بس عيب يكون أبويا حرامي ومزور.. أتعملت عضوية لـ الأب بقى اللى هو بكالوريوس تجارة ومدي نفسه جيد وهو مبيعرفش يكتب أسمه فهذا المزور هتكلم عنه بالتفاصيل ولإن المرافعة هتذاع النهاردة بليل على قناة الحدث وهتعرفوا كل حاجة بالمستندات”.
شاهد تعليق مرتضى منصور على رفض دعوى هاني العتال
https://www.youtube.com/watch?v=DqXiBG8u6Jc
حيثيات رفض دعوى هاني العتال لوقف انتخابات الزمالك
كانت دعوى العتال التي حملت رقم 58949 لسنة 73 قضائية، قد طالبت بضرورة وقف مخالفة حرمان عضوين (العتال وعبد الله جورج) من استكمال دورتهما الانتخابية وعدم جواز تطبيق تعديلات لائحة نادي الزمالك في 2019 بأثر رجعى على دورة انتخابية أقيمت بلائحة سابقة، وعدم جواز إلغاء منصب النائب الثاني قبل انتهاء مدته في 23 نوفمبر 2021.
