لقاء الخميسي ترد على مُنتقدي إطلالتها بمهرجان القاهرة: “إصرار على التنمر”

نشرت الفنانة لقاء الخميسي عبر حسابها الشخصي بموقع التواصل الاجتماعي “إنستجرام” ترد فيه على منتقدي إطلالتها في ختام الدورة الـ 40 من مهرجان القاهرة السينمائي، قائلة: “مساء الخير..كلامي النهارده للناس اللي بتحبني من قلبها واللي أنا بحبها وبحترمها، الناس اللي كانت في منتهى الأدب في تعليقاتها عن آخر لوك ليا في ختام الدورة الأربعين من مهرجان القاهرة السينمائي، باحترام ارائكم اللي نابعة عن حب وخوف ويقدرها جداً”.

وأضافت “لقاء”: “بحب أشوف نفسي كل مره غير التانية وده بنحتاجه كممثلين في أداء شخصيات مختلفة وده معناه أني بحب أجرب كل اللوكات وببقى مبسوطة وفيه لوكات بتعجبني وفي لوكات لا، والحقيقة بما اني بحب الموضة وما يخصها فبتابع آخر صيحات الموضة وفي نفس الوقت ممكن احب لوكات قديمة بردو وتستهويني.. والحقيقة الفستان عاجبني جدًا وبحترم وجهات النظر المختلفة طول ماهي بتتقال باحترام وتحضر”.

ووجهت لقاء رسالة إلى منتقدي إطلالتها، وقالت: “الناس اللي عندها إصرار على التنمر وإصرار على توجيه ألفاظ خارجة عن إطار التحضر والأخلاق والأدب والاحترام فللأسف أحب أقولكم.. بصوا في المراية وعدوا من 1 لـ 10، وفكروا بهدوء للأسف مفيش أي فائدة عادت عليكم غير إنكم ارتكبتم غلط في حق نفسكم”.