عارفة عبد الرسول بعد مشاهدة “حظر تجول”: “نفسنت من إلهام شاهين” (صورة)

وجهت الفنانة عارفة عبد الرسول الإشادة لكل من المخرج أمير رمسيس، والفنانة إلهام شاهين، على فيلمهما “حظر تجول”، والذي يشارك بالمسابقة الدولية في مهرجان القاهرة السينمائي بدورته الـ42.

وكتبت عارفة عبد الرسول عبر حسابها الشخصي بموقع التواصل الاجتماعي “فيس بوك”، وقالت: “طلعت من التصوير ع الأوبرا بعبلي كدة، عشان أحضر فيلم حظر تجول، لأني محضرتوش في الافتتاح، بصراحة أنا كنت تعبانة قوي ومش مهتمة أشوفه، يعني ينفع أشوفه بعدين ماحبكش… بس روحت عشان خاطر أمير رمسيس ما يزعلش مني، وأهو برضه جبر الخواطر مهم”.

وتابعت: “استقبلني بحفاوة وإداني دعوتي ودخلت قعدت واستاذن هو يجيب باقي ضيوفه، واحدة ورايا بتقول، بيهتموا قوي بالكورونا وراشين حاجات، ويتش اذ يحترم، كل كلامها كده سحلت دماغي، ماشوفتش أمير بعد كدة وبدأ الفيلم، نسيت كل حاجة وروحت في دنيا تانية، ولقيت نفسي بابكي بحرقة في مناطق وفي مناطق تانية بضحك”.

وأضافت: “منتهى الشاعرية والإحساس والجمال فعلا نسيت الدنيا، خلص الفيلم لقيت أمير بيبصلي، قولتله ايه الحلاوة دي أنا نفسنت على إلهام شاهين، ايه الإحساس ده، صدقتها قوي حتى في أبسط الجمل، حلاوتها وهي بتقول اللقا نصيب”.

واختتمت قائلة: “أمينة خليل مرعبة بشخصيتها المركبة دي، التايهة بين الحب والكراهية، أحمد مجدي اللذيذ واللي كل واحدة تتمنى زوج زيه… الليثي وصياعته ودمه الشربات، ولا ديشه حتى الممرضات والبنات الشمال كانوا اخرجمال… أنا سلمت على إلهام، بس ماخدتش بالها مني من الكمامة والزحمة اللي حواليها، ونفسي يوصلها تقديري وإعجابي الشديد، شكرا أمير رمسيس، غيرت مودي وشقلبت حالي …شكرا”.

حظر تجول.. أن تقع في عشق “القاتل”

الليلة.. العرض الثالث لفيلم “حظر تجول” بالقاهرة السينمائي