"جوزي كان هيتاخد مني".. زوجة الفيشاوي تُعلق على فيديو: "أحمد تعالى هنا"
علقت نادية الكامل، زوجة الفنان أحمد الفيشاوي، على الفيديو المنسوب لها عبر مواقع التواصل الاجتماعي المختلفة، والذي زعم الجمهور أنها غضبت من إهمال زوجها لها بإحدى الحفلات، وطالبته بالجلوس بجانبها.
وشاركت نادية جمهورها بهذا الفيديو على "فيس بوك"، وعلقت قائلة: "أنا ولا قلت أحمد ولا قلت تعالى هنا وكمان مقولتش تعالى أقعد جنبي.. وكمان فيه واحدة بتنادي عليه واللي يعرفني هيعرف إن ده مش صوتي يا جماعة أنا روحت البيت اتفرجت زيي زي الناس.. يا جماعة إلحقوني أنا جوزي كان هيتاخد مني.. طيب الآنسه دي اللي عاوزاه يقعد جنبها مفكرتش للحظه أنا هقعد فين؟".
وتابعت: "واللي بتقولوا تعالى هنا.. طب لما هو يروح هنا.. أنا هروح فين؟.. وعلي فكره أنا أتقل وأرسن وأعقل بكتيير أني أعمل كده وأنادي لجوزي بالشكل ده عشان شكلي.. وأنا أحب أحترم شكلي ونفسي جدا.. وأهو في الآخر لا رد على دي ولا راح هنا ولا بص حتى، يعني شكلكوا وحش أوي.. بنسميكوا "rats".. ولاد الذين فلتوا مني.. بس معلش المرة الجايه هاخد بالي.. ستات تخاف متختشيش حقيقي.. أشعر بالإشمئزاز فعلا من تصرفات زي دي متلقش بأي ست محترمة.. أشعر بالاشمئزاز فعلا".