بعد حديث مي حلمي عن تجربة زواجها.. محمد رشاد: "إذا بليتم فاستتروا"

الأربعاء 16/ديسمبر/2020 - 09:28 م

ظهر الفنان محمد رشاد على غير عادته في مقطع فيديو، اليوم، رد خلاله على بعض الذين يخوضون في سيرته ويحاولون تشويهها.

ونشر رشاد الفيديو عبر خاصية "ستوري" لحسابه الشخصي على موقع تبادل الصور والفيديوهات القصيرة "انستجرام"، وقال خلاله: "أنا لحد دلوقتي ساكت وكافي خيري شري ومبجبش سيرة حد لا بالحلو ولا بالوحش، لأن تربيتي وأخلاقي تمنعني أتكلم عن أي حد سواء كان حلو أو وحش في حياتي".

وتابع "كل تجربة عدت عليا الحمد لله عليها ومفتحتش عنها كلام، والناس بتعرف تميز وتشوف كويس أوي مين الحلو ومين الوحش، ومين اللي بيمثل ومين اللي بيطلع بطبيعته، بس تربيتي متمنعنيش إن لما حد يسوأ سُمعتي ويبدأ يتكلم عني بشكل وحش، إني أطلع وأرد بنفس الطريقة والأسلوب بتاعته، لأني احترمت حاجات كتير وسكت".

واختتم حديثه قائلًا: "وهفضل ساكت ومبردش لحد ما أشوف الشخص، اللي عمال يستفزني دا أخرته إيه، وربما يحمينا ويحميكم ويسترنا ويسترها عليكم في الدنيا وفي الآخرة".

وقالت مي رشاد اليوم، خلال "ستوري" لحسابها الشخصي على "انستجرام": "أنا من الشخصيات اللي مبتاخدش برأي حد، بس أنا بقالي فترة في صراع، يعني لما يكون حياتك الشخصية على السوشيال ميديا ومباحة لأي حد بتبقى في صراع، انهارده باخد رأيكم في الصح والغلط، وانهارده همشي برأيكم، على الرغم أني بقضيها ضحك، ولكن بقالي 5 سنين مذيعة، آخر سنتين من عمري حاسة إني حياتي سداح مداح للكل، مي حصل فرحها مي حصل طلاق، حتى وقت الفرح معملتش حاجه غير أني نزلت صورة، المهم يكون قراري".

وأردفت: "إيه تجربة مريرة جدا، خصوصًا لما يتحسب كل حاجه عليك قدام الناس، إن أنت السبب فيها، اتاخد ضدي رغم أني بسأل الناس ده صح ولا غلط، قعدت أفكر كتير أني لازم أطلع وأتكلم، في حاجات مينفعش أتكلم فيها، كانت واقفة في ضهري من يوم الفرح وكانت بتقولي خليكي قوية، تجربة الخيانة والغدر صعبة، ريهام سعيد وسارة الطباخ وعفاف محروس دايما بيقولوا ان الستات مبتقفش جمب بعض، بتفقد آمان ومصداقية في الناس اللي حواليا وتبني".