محمود أبورجيلة: "تنازلت عن 12 ألف درهم شهريًا لتدريب الزمالك بـ800 جنيه"
قال محمود أبورجيلة، نجم نادي الزمالك السابق، إن محمد حسن حلمي، أسطورة لن تتكرر، وكان مهندس كبير في الزراعة، وكان لا يمتكلك عنده عربية، ومعظم وقته بيكون في نادي الزمالك.
وأضاف أبورجيلة، في تصريحات إذاعية، صباح اليوم، "حسن حلمي كان بيركب معانا العربية الكارو عشان ننقل الطوب من الفرع القديم للجديد، وكان ليه فضل كبير على الكرة المصرية".
وأضاف، "حسن حلمي كان له رأي في كل كبيرة وصغيرة في الكرة المصرية، مضيفًا:" أنا محظوظ وأمي دعيالي لأن مفيش خطوة أخذتها إلا وربنا كرمني فيها".
وتابع، "من الحاجات الكويسة في حياتي لما كابتن حلمي كان جاي ياخد كوارشي من الإمارات وأنا مدرب هناك، استقبله وتقابلنا وكل حاجة كويسة وماشية".
وواصل، "وأنا بوصل حسن حلمي المطار لكي يعود إلى القاهرة وكنت باخد وقتها 13 ألف درهم وعربية وفيلا، لقيته بيقولي أنت عامل ايه في شغلك هنا قولتله كويس فقال لي إنت معانا السنة الجاية واشتغلت بـ800 جنيه، لكن بعد ما اشتغلت في نادي الزمالك اشتغلت في الوحدة السعودي 20 ألف ريال سعودي".
وواصل، "نادي الزمالك ولاده موجودين، والمجلس القديم ترك فريق كويس جدا في كرة القدم، لكن عاوز انبه اللجنة المؤقته، إن نادي الزمالك مش كرة قدم بس في ألعاب أخرى ويجب الاهتمام بهم".
وأتم، "جمهورنا صبر علينا كتير، والبداية كويسة وأتمنى من ربنا 2021 افضل من 2020".
محمود أبو رجيلة في عيد ميلاد الزمالك رقم 110: "محظوظ إني شوفت عمالقة القلعة البيضاء"
