فيفي عبده تطالب بالحصول على لقاح كورونا: "عايزة أتطعم ومش عارفة آخد أنهي نوع" (فيديو)
طالبت الفنانة فيفي عبده، بأخذ لقاح ضد فيروس كورونا، وذلك بطريقة ساخرة لجمهورها، من خلال فيديو نشرته على حساباتها المختلفة.
وقالت عبده في الفيديو الذي شاركته على "انستجرام": "يادي النيلة عليا متطعمتش، عايزة أتطعم إن شاء الله عشان أنفد من الموضوع ده، بس مش عارفة آخد أنهي نوع، الحلاوة دي كلها تاخد إيه؟ الكورونا ملهاش كبير".
View this post on Instagram
وسبق، نفت الفنانة فيفى عبده، شائعة اعتزالها الفن واردتدئها الحجاب، بعد تعرضها لوعكة صحية مؤخرًا، أدت إلى ملازمتها المنزل منذ أشهر، ومحافظتها على كورسات علاج.
قالت "فيفي" خلال مداخلة هاتفية مع الإعلامية إيمان الحصري، عبر فضائية "dmc": "عشان ظهرت للناس في فيديو بالحجاب، الدنيا كانت برد جدا، وكنت بصلي فكسلت أشيل الطرحة عشان الدنيا كانت برد أوي، ارتداء الحجاب مش بعيد على ربنا في لحظة، الموت نفس طالع ونفس لأ، لو ربنا أراد ألبس الحجاب على طول هعمل ده، لكن محصلش ده، وأنا محتارة أعمل إيه عشان أرضي الناس".
وأشارت إلى أنها تحب أن تعيش على طبيعتها، مشددّة على حبها الشديد لمصر، مضيفة: "أنا بحب البلد دي أوي، بحب طين البلد دي، بحب مصر للنخاع، أنا بعبد مصر، وبحبها وبموت فيها، بموت في كل حاجة في مصر، وأنا زي السمك لو طلعت من مصر أموت".
فيفي عبده:" أنا بعبُد مصر ولبس الحجاب مش بعيد على ربنا" (فيديو)
