سمية الخشاب بعد أنباء خلافاتها مع محمد رمضان: "مابيفرقش معايا وبعرف إني ناجحة"
علقت الفنانة سمية الخشاب، على التصريحات المتداولة بشأن خلافاتها مع الفنان محمد رمضان، في كواليس مسلسل "موسى"، ومطالبتها بوضعها على الأفيش الرسمي للعمل.
وقالت الخشاب خلال مداخلة هاتفية لبرنامج "عيشها بإنرجي" على راديو "إنرجي": "أنا لسة ده كله مبدأتش تصوير أصلا.. طول الوقت يقولوا إني متخانقة مع حد، لما شاركت مي عز الدين قالوا إننا اتخانقنا، وبرضو أنا وهاني سلامة، وفيفي عبده".
وتابعت: "وده مابيفرقش معايا خالص لما بيعملوا كده بعرف إني ناجحة، هما بدأوا وأنا لسة الديكور بتاعي بيتعمل وهبدأ بعد 4 أيام، وأنا مبسوطة أوي أني مع سينرجي ومع المخرج محمد سلامة، ومحمد رمضان نجم كبير وليه جمهور وبينا كيمياء، هتستمتعوا بالمسلسل جدًا وناصر عبد الرحمن أستاذ ومحمد سلامة عامل شغل فظيع، هتعيطوا كتير، وهتستمتعوا بالعمل".
يذكر أن مسلسل "موسى" بطولة محمد رمضان، سمية الخشاب، هبة مجدي، عبير صبري، رياض الخولي، سيد رجب، صبري فواز، منذر رياحنة، هبة مجدى، فريدة سيف النصر، عارفة عبد الرسول، أمير صلاح الدين، ضياء عبد الخالق، مفيد عاشور، حمدي الوزير، وتأليف ناصر عبد الرحمن، وإخراج محمد سلامة وإنتاج شركة سينرجي.
محمد رمضان يمازح سمية الخشاب بعد أنباء عن خلافهما في كواليس "موسى"
