تامر حسني: "بنواجه كمية حقد وغل وكراهية وطاقة سلبية في طريق النجاح"
حرص الفنان تامر حسني، على توجيه نصيحة لجمهوره عن أهمية النجاح، معربًا عن سعادته الشديدة بالتفاعل مع جمهوره خلال الفترة الماضية.
وكتب تامر حسني عبر حسابه الشخصي بموقع تبادل الصور والفيديوهات القصيرة "انستجرام"، قائلًا: "نهاركم جميل زيكم، من كام يوم نزلت بوست تحفيزي ليكم عن النجاح والحقيقة فرحت أوي من استقبالكم للبوست، وسبحان الله حسيت ناس كتير كانت مستنية تسمع كلام زي دا، يا جماعة احنا في العصر الصعب دا بنواجه كمية حقد وغل وكراهية وطاقه سلبية مش طبيعية، لازم نرد عليها بالعكس لازم يكون في طاقة أكبر بترد على كل الإحباط دا".
وأضاف "الحقيقة إن أنا عندي بعض الخبرات في الحياة من خلال رحلتي المتواضعة أحب أوصلها ليكم، هحاول كل كام يوم اتناقش معاكم في موضوع أو اقترح عليكم حاجة بعملها دايماً، هبدأ بحاجة بعملها بإستمرار وعلمتها للمقربين مني ومواظبين عليها من سنين، وهي إنكم حالاً تستحضروا ناس في دماغكم بتحبوهم و تدعولهم بأسمائهم في ظهر الغيب بكل اللي يتمنوه".
وتابع "كل فتره نكررها ونثبتها زي ما بنثبت حجات تانيه في حياتنا مش بالأهمية دي، والله هتلاقوا تساهيل كتير حصلت مش هتعرفوا بتحصل منين، يلا بينا دعوات".
وسبق، نفى تامر حسني تعاقده أو تحضيره لأعمال سينمائية جديدة، بعد انتهائه من تصوير فيلم "مش أنا"، الذي ينتظر الوقت المناسب لطرحه.
وكتب تامر ذلك النفي، عبر صفحته الرسمية على موقع التواصل الاجتماعي "فيس بوك": "تصحيحًا لأي أخبار غير صحيحة يتم تداولها.. أنا معنديش فيلم تاني بحضره الفترة دي غير فيلم (مش أنا) اللي خلصته من فترة، شكرًا".
تامر حسني يحقق أمنية معجبة مريضة: "فرحة كبيرة لقلبي إني أكون داعم ليكي بعد ربنا لشفائك" (فيديو)
