منى زكي للأمهات في اليوم العالمي للقضاء على ختان الإناث: "أنتى أكتر واحدة عارفة مصلحة بنتك"

وجهت الفنانة منى زكي، رسالة دعم لحملة القضاء على ختان الإناث، وذلك في اليوم العالمي للختان الذي يوافق اليوم السبت الموافق 6 فبراير، حيث تعد منى زكي سفيرة النوايا الحسنة لليونيسف في مصر.

وكتبت منى زكي عبر حسابها الشخصي على "انستجرام" قائلة: "مفيش أم تقبل على بنتها حاجة تضرها، بس فيه أمهات لحد دلوقتي مش مدركين قد إيه جريمة بشعة زي ختان البنات بتيجي على كرامة وصحة وحياة بناتهم".

واستكملت: "ختان البنات مش عفة ولا أي حاجة من الكلام ده، وللأسف فيه أهالي كتير فاكرين إنهم لو عملوا "ختان طبي" لبناتهم يبقى كدة عملوا اللي عليهم، أنتى أكتر واحدة عارفة مصلحة بنتك، وأكتر واحدة تقدرى تحميها من جريمة ما يقبلهاش عقل ولا طب ولا دين ولا قانون".

ثم ختمت كلامها بكتابة : "النهاردة اليوم العالمي للقضاء على ختان البنات، وأنا كسفيرة نوايا حسنة ليونيسف حابة أوعي الناس بالقضية دي، خصوصًا إن ناس كتير لسه متعرفش إن فيه جهة حكومية اسمها اللجنة الوطنية للقضاء على ختان الإناث بقيادة المجلس القومى للمرأة والمجلس القومى للطفولة للتوعية بأضرار ختان البنات، فلو عاوزة تستفسري اكتر أو محتاجة مساعدة علشان تحمي نفسك أو بنتك أو أي بنت تانية من الختان، كلمى خط نجدة الطفل 16000 أو خط المرأة 15115".

وسبق، قالت منى زكي في تصريح خاص لـ"القاهرة 24"، عن مشوارها الفني وما حققته وما تطمح إلى تحقيقه، خاصة بعد تكريمها من مهرجان القاهرة السينمائي، قائلة: "فخورة بالحياة اللي عدت والشغل اللي عملته قبل كدة، وعندي إحساس إن أنا لسه، ونفسي أعمل حاجات كتير، لأني اتاخدت على مشمي، وملحقتش أعمل كل اللي نفسي فيه، بس شرف كبير أوي أوي التكريم ده، ومخليني أفكر كتير في حاجات كتير أوي جاية".

منى زكي تعلن عن اتفاقية بين يونيسف ومهرجان الجونة لمدة 5 سنوات خلال حفل الافتتاح