ميدو يروي موقفًا كوميديًّا بين حسام حسن وبيبو خلال معسكر للمنتخب

علق الإعلامي أحمد حسام ميدو، على علاقته بحسام حسن المدير الفني الحالي لفريق الاتحاد السكندري، خلال وجودهما كلاعبين ضمن صفوف منتخب مصر.

وقال ميدو في تصريحات تليفزيونية: "حسام حسن كان بيتهمنا دايما أنا وأحمد صلاح حسني إننا عايزين "نبطله".

وتابع: "حسام حسن ماكانش عايز مهاجم غيره يجيب اجوال في مصر، وفي خلال فترة كده كان خالد بيبو مكسر الدنيا مع الأهلي وجايب 4 أهداف في الزمالك و3 في نهائي اإفريقيا، فراح معسكر المنتخب، بعدها راح يلعب بلياردو مع حسام حسن وهو أصلا مابيعرفش يلعب، فلعب كورة غريبة كده قعدت تتنطط يمين وشمال وبعدين دخلت".

واسترسل: "قام حسام قايله: انت يابني مالها ماشية معاك الفترة دي كده ليه؟!! فخالد بيبو رد ف سره: تمشي معايا فترة أحسن ما تمشي معايا العمر كله، حسام ماسمعهوش، قمت قايله: إنت عارف كان بيقولك إيه؟ ده قال كذا كذا، حسام حسن رد: بيقول عليا أنا كده؟!، قولتله: آه، قام جري وراه القرية الأولمبية كلها".

أحمد صلاح حسني: "أشتاق لمسيرتي كلاعب كرة قدم وطول عمري شايف نفسي ممثل"