دينا تحكي عن إصابتها بفيروس كورونا: "جالي اكتئاب.. واستنوا عليا يومين وهبقى قوية ومفترية"
روت الراقصة دينا تفاصيل تجربتها مع فيروس كورونا، كاشفةً أنها أصيبت بالاكتئاب بسبب خوفها الشديد على ابنها وعلى أسرتها، وأن دعم والدتها وأصدقائها هو من ساعدها على تخطي هذه المحنة.
وتحدثت دينا عن التجربة، عبر صفحته الرسمية بموقع تبادل الصور والفيديوهات "انستجرام"، حيث قالت: "كل واحد هيخرج من التجربة دي هتكون دمعته قريبة وحساس جدًا، استنوا عليا يومين تلاتة هكون قوية ومفترية".
وتوجهت دينا بالشكر لوالدتها: "أنا بشكر أمي اللي مرضيتش تسيبني ومخافتش لأنها ست قوية وأنا طالعة زيها، هي لو في نفس الحالة برضوا مش هسيبها، الست دي فضلها على رأسي، ومهما قولت مش هعرف أوفيها الدّين اللي عليا".
وعن أصدقائها قالت: "شكرًا لكل أصحابي الحقيقين.. بقولكم النهاردة أنا نقيت كل صحابي صح، وفخورة وسعيدة بيهم جدًا، ربنا يخليهوملي مفيش حد فيهم موقفش جمبي وكان صبورمعايا".
وتابعت: "كانوا بيجولي البيت مكنتش متصورة اللي عملوه معايا، كانوا بيجولي البيت يطمنوا عليا، وكنت ببصلهم من الشباك، وأحيانًا كنت بقعد في الجنينة علشان الشمس، وكانوا بيبقوا قاعدين معانا، بشكرهم شكرغير طبيعي".
واختتمت حديثها بنصيحة لجمهورها قائلة: "خلوا بالكوا على روحكوا، متعرفش الكورونا هتجيلكم منين، أنا معرفش هي جاتلي منين بالظبط".
دينا: "نبيلة عبيد عندها قلب كبير.. وسهير جودة إنسانة عظيمة"
