بعد نجاحها الفني..ملك أحمد زاهر تدعم شقيقتها: "هفضل أتباهى بيكي وأقول أختي ممثلة شاطرة"
أعربت الفنانة الشابة ملك زاهر، عن بالغ سعادتها بأداء شيقيقتها ليلى في مسلسلي "في بيتنا روبوت" و"وادي الجن"، موجهة لها رسالة دعم وتشجيع، قائلة: "الكلمات لا تصف كم أنا فخورة بما حققتِ حتى الآن".
ونشرت ملك، صورًا جمعتها بشيقيقتها، عبر حسابها الرسمى بموقع "انستجرام"، وعلقت عليها قائلة: "كنت معاكي لحظة بلحظة وإنتي بتشتغلى وتتعبي على نفسك وبتصوري مسلسلين في نفس الوقت والاتنين ميقلوش عن بعض فى التعب و المجهود، كنت شايفة بعيني قد ايه بتتعبي ومش بتنامي وبتجتهدي وبتعملي كل اللي تقدري عليه عشان تطلعي كل واحد فيهم أحسن حاجة".
وأضافت: "فعلا تعبك مرحش عالفاضي يا لولو عملتي أحلى مسلسل فالدنيا (في بيتنا روبوت) اللي مكانش في ألذ ولا أحلي منه فالدنيا وشفناكي وانتي (سارة) اللي مشاريعها فاشلة و تافهة وملهاش فحاجة غير السوشيال ميديا تقريبا وخليتينا نصدق كل تفصيلة و نضحك علي كل إفيه وحقيقي كان أحلي مسلسل فالدنيا عملتيه وطلع حلو أوي كده عشان كمان معاكي هشام و شوشو وعمرو اللي فضلوا دايما فى ضهرك".
وتابعت: "عملتيلنا أكتر مسلسل مشوق فالدنيا (وادي الجن) وشفناكي وانتي (ليال) الذكية الشاطرة اللي قادرة تحل كل المشاكل بذكاء و دايما مركزة، ولا مرة حسيت إن في شبه بين سارة وليال حقيقي بنتين مختلفين تماما مع إنك كنتي بتصوري الاثنين سوا ودي شطارتك انتي ومجهودك وتعبك بجد من كل قلبي فخورة بيكي وبحبك وهفضل دايما أتباهى بيكي وأقول أختي ممثلة شاطرة قوي".
ملك زاهر عن شقيقتها "ليلى": "عايزة أشوفها أحسن مني في كل حاجة ومفيش بينا منافسة"
