أسامة كمال لـ”جمال عيد”: “أعرض فيديو عشان الناس تصدقك وتصدق مواقفك ياجيمى”
رد الإعلامي سامة كمال، على المحامي الحقوقى جمال عيد،قائلا فريق الإعداد أرسل لي لي تدوينة لجمال عيد المحامي موجهة لشخصى لأنه عامل لي منشن بيقول فيها: “أيه يا سمسم، شفت حكم النهاردة ببراءة المتهمين في قضية المجتمع المدني؟ طبعاً شفت عارف إن تشهيرك بي وقت مكتبة الكرامة كان مبني على باطل؟ طبعا عارف.. هل هتعمل من بنها”.
وأضاف كمال خلال برنامجه “مساء dmc”، اليوم الخميس، ” قبل ما أرد، أحب أعرف الأول القضية اللي اتحكم فيها دي تخص مين وماتخصش مين، لأن الخبر على موقع الشروق بيقول قضت الدائرة 15 بمحكمة جنايات القاهرة، المنعقدة في محكمة عابدين، برئاسة المستشار محمد علي الفقي، براءة جميع المتهمين بقضية “التمويل الأجنبي” لمنظمات المجتمع”.
وتابع:”طلبت من فريق الاعداد يطلع كل حاجة قلتها عن الاستاذ المحامي جمال عيد وممكن أكون شهرت بيه في قضية المجتمع المدني أو موضوع مكتبة الكرامة”.
وشدد على أنه في الحقيقة “ماعنديش أي مانع أعتذر لو كنت ع خطأ فريق العمل طلع المقطع اللي كنت ذكرت فيه الأخ جمال ومعاه الصديق المحترم سعيد اللاوندي بمناسبة هجومهم ع السفيرة مشيرة خطاب وقت ما كانت مرشحة مصر لرئاسة اليونسكو.كنت مستعجب إن في أيام التصويت يهاجموا مرشحة مصر، ومال الكلام دة ومال المكتبة، مكتبة الكرامة؟ مال الكلام دة ومال قضية التمويل الأجنبي أو المجتمع المدني؟الكلام كان يوم 9/10/2017 طب فين التشهير ؟ هو التشهير إني أعلنت إنك عشان موقف شخصي بتطلع بيان عشان توقع فرصة مصر في رئاسة منظمة؟ هو دة إسمه في حب مصر وأنا ماخدتش بالي؟”.
وسخر كمال من جمال عيد قائلا ” خد الفيديو واعرضه عشان الناس تصدقك وتصدق مواقفك..يا جيمي”.
