الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

عمرو أديب بعد سقوط الهضبة على المسرح: "زحليقة زي دي متفرقش معاه من كتر الصحة اللي عنده"

عمرو دياب وعمرو أديب
فن
عمرو دياب وعمرو أديب
الأحد 14/مارس/2021 - 06:58 ص

علق الإعلامي عمرو أديب على ما جرى للهضبة عمرو دياب، وسقوطه على خشبة المسرح، خلال إحدى الحفلات التي أحياها مؤخرا، وقال: "الهضبة كان تريند وما زال تريند، عشان اتزحلق، والناس بقى تقول لبعضها ألحق عمرو دياب اتزحلق، والناس افتكرت أن فيه حادثة ولا حاجة، دي حاجة بسيطة يا جدعان، زحليقة زي ده متفرقش معاه".

وتابع عمرو أديب مازحا، خلال برنامجه "الحكاية"، والمذاع على شاشة "MBC مصر": "بالنسبة لواحد في صحته عمرو دياب وقوة عمر دياب وجيم عمرودياب، زحلقة زي دي متفرقش معاه، قام على طول، لو عمرو أديب، اللي وقع كان فيها شرخ في الجمجمة".

وأضاف: "بس ده عشان عمرو دياب الهضبة، قام وقف وقالهم عادي عادي عادي أهو، مفيش أي حاجة، الناس كلها أمبارح قلقانة على الهضبة وبتاع، عشان لما يتزحلق الدنيا كلها بتقف وتتفرج وتشوف إيه الحكاية وإيه الموضوع، من كتر الرياضة والصحة اللي عنده، الحاجات دي متفرقش معاه".


واختتم حديثه: "عمرو دياب عنده ركبة حديدية، ركبة غير عادية، يكمل غناء بعد ما وقع، عادي جدا، عادي جدا، ألف سلامة يا هضبة، معرفش عين مين اللي جاتلك إمبارح بس خير وألف سلامة".

تابع مواقعنا