رجب بكار يهاجم بيراميدز بسبب المهدي سليمان
علق رجب بكار لاعب فريق سيراميكا كليوباترا المعار من صفوف بيراميدز، على أزمة المهدي سليمان حارس مرمى الفريق، والتصريحات الأخيرة التي أطلقها مؤخرًا.
وقال رجب بكار عبر حسابه الشخصي على موقع التواصل الاجتماعي “فيس بوك”: "مش من العادة إني اتكلم في حاجة متخصنيش ولكن هنا لازم أقول كلمة حق، لأني مريت باللي بيعيشه واحد من أحسن الحراس في مصر، وهو المهدي سليمان، هنا أقول للمدير الفني انك كذاب وبتاخد أوامر مش تعليمات عشان خايف على أكل عيشك زي إللي قبلك في وجود هذه الإدارة".
وتابع رجب بكار حديثه: "اللي اتصدمت فيها أشخاص ليها باع وتاريخ في مصر ولكن للأسف بردو بتاخد تعليمات الأهم والمهم مهدي سليمان عنده حق في كل اللي قالوا وده مش دفاع والله عنه ولا اصطياد مني، أنا ليا وقت وهقول كل اللي حصل لأني مينفعش منظومة بالحجم ده تدار بالسوء ده، وللعلم الأغلب في الفرقه لعيبة كبيرة وعارفة الدنيا ماشية ازاي".
واختتم: "وللأسف الملاك في النادي مش فاهمين ولا حد مننا عارف يتواصل معاهم عشان الكل يطلع اللي عنده لأن في كبت عند ناس كتيره موجودة في المنظومة دي؟ وشكرًا".
وقد سبق وخرج المهدي سليمان وهاجم إدارة نادي بيراميدز في تصريحات تليفزيونية، بسبب عدم مشاركته، وتعمد خروجه من حسابات المشاركة لصالح شريف إكرامي.
