الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

فتاتان تنقذان 3 شباب من الموت بعد انقلاب سيارة وموتوسيكل بترعة في البحيرة

 الشيف دنيا مصطفي
محافظات
الشيف دنيا مصطفي
الأربعاء 31/مارس/2021 - 02:08 ص

لم يترددن لحظة في ليل البرد القارس إن ينزلان إلى مياه الترعة لينقذن ثلاثة من الشباب بمدينة المحمودية بمحافظة البحيرة من الموت، عقب وقوع حادث انقلاب سيارة وموتوسيكل بترعة بالقرب من كوبري العطف بمدينة المحمودية، أسفر عنه وفاة الشاب شهاب القمري، وإصابة كلا من:- كريم جوهر وحسين عبد الغني بإصابات متفرقة بالجسم.

تقول الشيف دنيا مصطفي، لـ"القاهرة 24" كنت راجعة يوم الحادثة بليل حوالي الساعة 9 ونصف، وشوفنا شباب في المياه بيموت وسيبنا عربتنا ونزلنا، وكان في 3 أو 4 شباب بيحاولوا يطلعهم، ونزلت انا واخويا وزميلتي في الشغل وقمنا بإسعاف الشباب بعد إخراجهم من المياه، وخدنا شاب منهم ومشينا على مستشفى المحمودية العام، ووقتها كان بينزف من مناخيره، وصوتي راح من الصراخ.

وأضافت: قائلة "لقيت متعلقات الشاب وعطيتها لأحد أصدقائه، وبعدين ركبت مع زميلتي عربية الإسعاف مع الشاب، وطلعنا على مستشفى دمنهور، لان مكنش في حد من أقاربه موجودين ساعتها، ولبسته تيشرت كنت لابساه، ولحد النهاردة متابعة حالته الصحية عن طريق الاتصال بأسرته".

وعن مشاركتها في إنقاذ حياة مواطنين في حوادث مشابهة من قبل قالت:" حصل معايا زي كده كتير، وانا جاية من المنصورة أو المحلة أو أي بلد تانى بكون فيه عشان شغل الطباخة، بيكون في حوادث على الطرق وبنزل أشارك في إنقاذ حياة المواطنين، لأني لي أخ متوفي في حادثة زي كده، واللي بيعمل خير مش بيدور عليه، ودي اقل حاجة أعملها، ومش مستنية مقابل من حد، لان اللي بيعمل خير مش بيدور، وممكن يكون في ناس كتير غيري بتعمل اللي إحنا عملته ده، واتمني شفاء الشباب المصابين والرحمة للشاب المتوفي في الحادث".

تابع مواقعنا