الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

حولت شكلها إلى نيللي والسندريلا.. مايا ثابت فنانة تستخدم المكياج للحصول على ملامح المشاهير (صور)

مايا ثابت بميك اب
كايرو لايت
مايا ثابت بميك اب السندريلا
الأربعاء 07/أبريل/2021 - 04:39 م

من منا يظن أنه يستطيع الحصول على شكل شخص آخر دون إجراء عمليات التجميل؟ بالفعل لم يكن المكياج مجرد أداة زينة، بل حدثت تطورات كبيرة حتى يومنا هذا، وآخرها تحويل الشكل إلى شخصيات مختلفة.

مايا ثابت فتاة مصرية شابة، تبلغ من العمر 28 عاماً، تركت كلية الصيدلة واتجهت إلى إدارة الأعمال.

"بدأت بعد ما حولت من كلية صيدلة إلى البيزنس، واشتغلت ماركيتنج في 2017، كنت بحب فيديوهات الميك آب، رغم أنه مش بستخدمه لنفسي كتير، بس كنت بحب أشوف إزاي المكياج بيغير الشكل وبيطلعه مختلف، وبيداري العيوب وبيصغر الملامح، من غير عمليات تجميل وده لفت انتباهي ومن هنا حسيت أني حابة اني اتعلم ميك اب وفضلت اتفرج على فيديوهات وبدات الشغل بداية من أواخر 2017".

 

مايا وروبي 

"اتعرضت لانتقادات كتير بسبب إني تركت صيدلة وإزاي تبقي دكتورة وتسيبي صيدلة".. انتقادات كثيرة واجهت "مايا" عندما تركت كلية الصيدلة، ولكنها وقفت وراء حلمها ولم تلتف إلى كل هذه الانتقادات.

كانت بداية استخدام المكياج لتحويل الشخصيات وقت الحظر المنزلي، حيث تقول: "وقت انتشار فيروس كورونا وقفت شغل الماركيتنج والميك وقف برضو، وبدأت أعمل قناة على اليوتبوب وأعلم الميك آب، ومع الحظر أكثر انتشر استخدام التيك توك، ولقيت ناس كتير بتقولي جربي تعملي حاجة زي الأجانب اللي بيغيروا شكلهم بالميك السينمائي، ومكنتش اعرف بيتعمل ازاي اصلا ومش فاهمة ازاي بيغيروا شكلهم وبيستخدموا ايه".

مايا وسعاد حسني 

 كان مسلسل "بميت وش، مصدر الإلهام لها، لذا بدأت "مايا" في التجربة وكان هدفها الحصول على شكل "سعاد حسني"، وبالفعل خاضت التجربة، ولاقت إعجابًا كبيرًا من المقربين منها، وطلبوا منها نشر الفيديو، ولكن التجربة الأولى لم تكن خالية من العيوب، ولأن الفكرة جاءت لها من مسلسل "بميت وش"، فكرت في تقليد "نيللي كريم"، وكانت هذه التجربة السبب وراء الشهرة.

وعن الشخصيات التي وصلت إليها، تقول :"عملت شكل سعاد حسني، نيللي كريم، أمينة خليل، دينا الشربيني، روبي، أروى جودة ومي عمر، وفي النص بين كل فيديو والتاني بجرب شخصيات مختلفة وممكن أحس انها مش شبهها فبقول هجرب تاني جايز مجهدة أو محتاجة تمرين أكتر".

مايا بميك أب سعاد حسني 

وأضافت لـ" القاهرة 24": "مش الأشكال تنفع معاها ميك آب بس وفي شخصيات تحتاج بروكة أو أغير شكلي شوية بحاجة تانية، وفي حاجات زي اللي بتستخدم في الميك آب السينمائي زي اللي بتكبر الخدود أو الأنف، وبتغير عظام الوجه نفسه، بس انا لحد دلوقتي معملتش حاجة زي كدة، عشان بختار شخصية أقدر أوصل لها بالميك آب، بس بيبقى في فرق زي أنا أتخن شوية أو أرفع شوية"، بس بتبقى فروقات بسيطة، لكن لو حد مختلف معايا تمامًا من حيث تفاصيل وجهه وتكوين العضم، هحتاج حاجات غير الميك آب".

 

نيلي كريم 

وتابعت:" أقدر أحول أي بنت لأي شخصية هي عايزاها، بس لو كانت فيها حاجات مشتركة في عظم الوجه، الفكرة إني مش برسم، أنا مش بعرف أخفي ملامح الوجه زي الناس اللي بتخفي كل الملامح ماعدا فتحة العين والأنف والفم، ثم يرسمون على الوجه بالألوان شخصية معينة، ده طبيعي هتحس إنك وصلتي للشخصية، بس أنا مش بعمل كدة، أنا بستخدم الميك آب لتحويل الملامح".

نيلي كريم 

 

وعن إمكانية القيام بهذا لأي بنت، توضح:" لا معملتش كدة، في بنات طلبت كدة بس انا مش حابة، أخوض  الطريق ده غير لو عمل يندرج تحت الميديا أو إنتاج سينمائي، مش مجرد أغير شكل الناس بلا هدف، ده فن مش مجرد ميك آب بس".

الفنانة مايا ثابت 

واختتمت حديثها قائلة:" في تعليقات بتيجي لي كتير إن كدة البنات بتخدع الشباب بالميك آب مبدئيا الميك آب، بقولهم إن اللي عملته مش هعيش بيه، هغسل وجهي بعدها ولو نازلة الشارع أكيد هيبقى باين كمية الميك اب اللي انا حطتها والرموش، مش هقدر أخدع حد خالص، كأني مش حاطةحاجة، أما بغير شكلي للممثلين ده مش معناه إني مش حابة شكلي، أنا بوصل رسالة إن الميك آب بيعمل إيه "قوة المكياج"، لأن ربنا خلقنا كلنا حلوين".

 

تابع مواقعنا