الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

رجل يضرب طفلًا بـ"القلم" داخل سوبر ماركت في المنصورة.. ووالده: قالنا أنا ضابط ومحدش يقدر يكلمني (فيديو)

ضرب طفل داخل سوبر
محافظات
ضرب طفل داخل سوبر ماركت بالمنصورة
الجمعة 09/أبريل/2021 - 05:04 م

تداول مستخدمو موقع التواصل الاجتماعي في محافظة الدقهلية، فيديو اعتداء رجل على طفل لا يتعدى عمره 8 سنوات داخل سوبر ماركت في مدينة المنصورة.

وكشف محمد الصاوي والد الطفل سامح، في تصريحات لـ"القاهرة 24"، تفاصيل الواقعة، قائلاً: “أنا كنت خارج المنزل أثناء حدوث الواقعة، فتلقيت اتصال من سامح بيكلمني من تليفون واحد صاحبي هو بيعيط ومنهار وقال لي في راجل ضربني، فكلمت صاحبي وبلغته يروح معاه شوف مين اللي ضربه مكنتش متوقع إنه رجل كبير هو اللي ضربه، ولما صاحبي راح يتكلم معاه في الشارع وهما بيتكلموا معه”،  زاعمًا والد الطفل أن المتعدي على ابنه ضابط .

وأكمل حديثه: "لما رجعت البيت لقيت ابني نايم تعبان سألته أيه اللي حصل قالي في واحد ضربني في أوكازيون وجبت الفيديو من الكاميرات لقيت فيديو ضرب سامح وحاجه مهينة جدا.. أنا بستغرب ايه اللي يخلي راجل زي ده يضرب طفل 9 سنين بالقسوه دي".

وأضاف: "أنا مجاش في دماغي أن ضربه بكل القسوة دي، ابني غلط في ايه قاله ممكن تشيل العربية عشان ناس تعرف تتدخل الجراج، أنا كنت ناوي أسامح وأنسى لولا أن شوفت الفيديو وشوفت ضربته لابني بكل القسوة".

وتابع: "بعد الواقعة توجهت إلى قسم ثان المنصورة وحررت محضر، وأخدوا أقوال سامح ابني ولكن المحضر بدون اسم، ولابد من وجود اسم الشخص اللي ضرب ابني حتى لا يحتفظ المحضر.. بس أنا مش هسيب حق ابني وحق أي طفل بيضرب بكل هذه القسوة".

وفي السياق ذاته، قالت مروة ماهر التي نشرت الفيديو على صفحات التواصل، في تصريحات لـ"القاهرة 24": “الطفل بعد الواقعة كان منهار بسبب ما حدث له، وتحدث لنا بقهر أنا عملت أيه عشان يضربني كده"، مضيفة: "لما لقيت الطفل منهار من العياط سألته ايه اللي حصل قالي راجل ضربني ولما خرجنا نسأله ضربته ليه زعق ومشي نزلت المقطع على مواقع التواصل". 

تابع مواقعنا