"مش عاملين حاجة إسفاف".. أبرز تصريحات ياسر جلال عن مسلسله "ضل راجل" في رمضان 2021
كشف الفنان ياسر جلال، عن تفاصيل مسلسله الذي سيخوض به السباق الرمضاني 2021، من خلال مداخلة هاتفية في برنامج الحياة اليوم الذي تقدمه الإعلامية لبنى عسل عبر قناة الحياة.
وفي ذلك التقرير نستعرض أبرز تصريحات الفنان ياسر جلال، عن مسلسله "ضل راجل"، والذي يفصلنا عن عرضه أيام قليلة، وجاءت على النحو التالي:
1- بنقدم قضية في منتهى الأهمية، موضوع هايل وهو مش باين في البرومو، ومن الحلقة الأولى هتكون بداية مثيرة جدًا وهو مسلسل اجتماعي شعبي في إطار تشويقي.
2- “بنقدم قصة حب بين راجل ومراته قعيدة بنبين قد إيه الراجل ده بيحب مراته وبيراعيها ودي أول مرة تتقدم، ودي رسالة لكل واحد مقصر مع أهله”.
3-"أول مرة بشتغل مع الكاتب أحمد عبد الفتاح وهو كاتب مهم وعنده خبرة طويلة وسعيد إني بشتغل معاه وبشتغل مع المخرج الكبير أستاذ أحمد صالح، وهو أضافلي كتير في المسلسل ده".
4-"قرأت 50 مسلسل عشان اختار المسلسل ده ومن بعد نجاح الفتوة أنا منمتش لغاية دلوقتي، يعني عمال أفكر أنا هعمل إيه.. بس أنا الحمد لله بشكر ربنا أنه هداني للمشروع ده لأنه مشروع مهم جدًا وأنا حابه ومرتاح له ومبسوط بيه لأنه مصري أوي ومكتوب حلو أوي".
5-"بحب لما أقدم حاجة من الحارة أبين الأخلاق والعادات والتقاليد والسلوك الحميد، بحب أبين الشهامة والجدعنة، ومش عاملين حاجة إسفاف ولا حاجة تسئ لبلدنا ولا لشعبنا".
6-"الفن هو اللي بيقدم الجمال يعني حتى لو بيتعرض لمناقشة في شئ قبيح بيتعرضله بشئ من الجمال، في عندنا أساليب وحيل درامية كتير في الفن إن إحنا نقدم أي قضية وأي مشكلة بس بشكل محترم وجميل وراقي وممتع وده إحنا مقدمينه في المسلسل".
ويضم "ضل راجل" العديد من الفنانين منهم ياسر جلال، نور اللبنانية، محمود عبد المغني، رنا رئيس، نرمين الفقي، المسلسل من تأليف أحمد عبد الفتاح، وإخراج أحمد صالح.
رمضان 2021.. هدى الإتربي تكشف شخصيتها في "ضل راجل"
"سينرجي" تطرح الأغنية الدعائية لمسلسل "ضل راجل" بصوت أحمد سعد (فيديو)
