صلاح عبدالله يكشف كواليس أغنية "اشتقنالك" لرمضان 2021 (خاص)
طرح الفنان صلاح عبدالله منذ أيام مقطع غنائي قصير من أغنيته الرمضانية "إشتقنالك"، ويتعاون فيها مع المطرب علي الحجار، والتي تُعد أول أغنية له خارج أغانى الأعمال المسرحية والاستعراضية.
وقال صلاح عبد الله لـ"القاهرة 24": " الأغنية جت بالصدفة الباحتة، نزلت علي "الفيسبوك" صورة لابس فيها مسحراتى، وماسك طبلة، وكاتب عليها كلام الأغنية، لقيت علي الحجار بيكلمنى قالي عايز اغني الكلام ده، قولت له طبعا وانا بهدى لك الكلام".
وأضاف: "صديقى علي الحجار كلمنى يوم تسجيل الأغنية علشان اروح الأستوديو، وكنت مشغول فى التصوير، لكن اللقاء نصيب، روحت وبعدها ظهرت فكرة تركيب صوت علي الحجار على صورتي حتى كنت بملابس تصوير مسلسل قصر النيل، ونسقنا مع الموزع، وكانت ليلة جميلة جدًا".
وقال صلاح عبدالله: التوزيع الموسيقي لإبني وحبيبي محمد حمدى رؤوف، ابن الله يرحمه الموسيقار السكندري الكبير حمدي رؤوف وتعاملت معاه فى مسرحية ابو زيد في 1988، وعملنا حاجة حلوة اوي كنت انا كاتب دور الراوي وكاتب كل الاستعراضات والاغانى فى المسرحية ايام ما كنت لسه بكتب بس كنت بكتب اغانى واستعراضات للمسرح مش بكتب اغانى عادية وكان حمدى رؤوف ابو محمد اللي لحن ووزع وكان إنسان جميل جدا الف رحمة ونور عليه عشان كده فرحت اوي انى اشتغلت مع ابنه محمد حمدى رؤوف.
وأغنية "إشتقنالك" كتبها الفنان صلاح عبد الله بعد فترة كبيرة من توقفه عن كتابة الأغانى، ومن غناء علي الحجار، وألحان أحمد الحجار، وتوزيع محمد حمدى رؤوف، وإخراج هاشم طاهر.
