محمد رمضان: "الكارهين والمتربصين بيا كتير.. وعمري ما سافرت خارج مصر سياحة"
قال الفنان محمد رمضان، إن هناك الكثير من المتربصين به وكارهيه، ولكنه لا يهتم أبدًا بالرد عليهم، ويهتم بعمله طوال الوقت، مشيرًا إلى أنه لم يسافر خارج مصر إلا إذا كان هناك عمل سيصوره.
وتابع رمضان خلال لقائه حاليًا مع الإعلامية إيمان الحصري ببرنامج “مساء دي إم سي”: “اللي مابيحبوش محمد رمضان والمتربصين كتير، قمة الغباء أن تفعل نفس الشيء وتنتظر نتيجة مختلفة، طول عمري الهجوم ما أثر في مشواري لحظة ومبلتفتش غير لهدفي فقط.. أنا مش كياد أنا ناجح وبشتغل وبس.. معنديش دقيقة فاضية أكلم اللي حواليا وبقضي 18 ساعة تصوير في اليوم”.
واختتم: “أنا عمري ما سافرت خارج بلدي إلا لو لشغل، عمري ما سافرت سياحة زي ما الناس متخيلة، مسافر يعني رايح أعمل شغل”، مضيفًا: “أنا بتعرض للهجوم بسبب الصدق.. الفلوس اللي رميتها دي في كليب وكانت رؤية المخرج الهندي، وهي مش حقيقية.. والشوت اللي أخدته وأنا بدي للنمر الفلوس كان من الكليب وده عن طريق خوذة فيها كاميرا بتصور الأحداث ومقصدتش أي حاجة”.
محمد رمضان يكشف تعرضه لهجوم
وتابع: “ده شغل ولو كل حاجة حصلت رديت عليها يبقى مش هشتغل، أنا لو طايل أشتغل 38 ساعة هشتغل، أنا مش أستاذ جامعة أنا ممثل يعني لو هرمي الفلوس أكيد هيكون مشهد من عمل بقدمه”.
محمد رمضان: "مسلسل موسى الوحيد اللي مهما اتكلمت عن تفاصيله مش هيتحرق"
محمد رمضان عن إلقائه أموالًا في المياه: "أنا مش كياد"
