رئيس التحرير
محمود المملوك

عمرو الجنايني: "ساعدت الزمالك في أزمة القيد.. ويتقطع لساني قبل ما أطلع أجرّس النادي" (فيديو)

عمرو الجنايني
عمرو الجنايني

أثارت تصريحات عمرو الجنايني، رئيس اللجنة الخماسية التي كانت تدير اتحاد الكرة، الجدل خلال الساعات القليلة الماضية، عقب تصريحات أوضح فيها مجاملته للزمالك خلال توليه إدارة الجبلاية.

وقال الجنايني في تصريحاته عبر تطبيق كلوب هاوس: "كان هناك أزمة للزمالك في القيد وجميع الأندية دفعت ما عدا الزمالك، وأنا مقدرش أستثني نادي الزمالك، اللي الناس كانت بتعمله فينا مينفعش أعمله أنا إحنا مش دي مش أخلاقنا وإحنا مش نصابين وماتربناش على كده".


وتابع: "قولتلهم في الزمالك انتم عندكم مستحقاتكم في كأس إفريقيا لسه هتيجي بعدين فاكتبوا قولوا إنكم متنازلين عن مستحقات إفريقيا، كنت بحاول ألاقيلهم حل، فقالولي الله ينور عليك مفيش أروع من كده، ثم تفاجأت إنهم باعتنلي واحد يمضي على المديونية، قولتله مين حضرتك قالي أنا اسمي محمد بدر قولتله تمام، اللي هيتم يجب أن يكون كالآتي لازم تجيب تفويض من النادي أن الزمالك بيفوضك أنك تمضي على المديونية وأنت اللي تقول هنتنازل عنها في الحالة الفلانية".

وواصل: "وبالفعل رجعلي بتفويض من النادي ممضي ومختوم ممن له الحق في التوقيع في نادي الزمالك، وأنهم متنازلون عن المستحقات اللي هتجيلهم من الاتحاد الإفريقي، وقيدنا كاسونجو حينها وانتهى الموضوع".

وتابع :"بعدها بيومين حدث تذمر بين اللاعبين بسبب المستحقات، وتفاجأت في جميع وسائل الإعلام أن عمرو الجنايني واتحاد الكرة هو اللي خد فلوس الزمالك، أنا اللي خدت فلوس الزمالك؟ يا نهار أسود ومنيل.. ده أنا طلعت فلوس من البنك عشان أجددلهم عقد من 2022 لـ2027 وفي نفس الوقت المستحقات اللي عليك جبتلكم حل وحلتهالكم على مستحقات مستقبلية لسة هتيجي، وفوجئت بأنني القاتل الجاني وأنا من فعلت كل هذا، وبوقي متفتحش، أطلع في وسط الناس كلها أقول إني قولت وعملت لنادي الزمالك ده؟.. أنا يتقطع لساني قبل ما أجرّس نادي الزمالك وأقسم بالله ده اللي حصل بدون زيادة أو نقص.. هي دي آخرتها؟".

عاجل