أحمد بلال عن جمهور الزمالك: "سبب نكسة لاعبيه وبيفطسهم"
أكد أحمد بلال مهاجم الأهلي ومنتخب مصر الأسبق، أن جمهور الزمالك سبب نكسة لاعبيه لأنه بلغة الكورة "بيفطسهم".
وأضاف خلال تصريحات إذاعية: "جمهور الزمالك هو اللي بيفطس لاعيبته بإيده، جمهور الزمالك هو اللي عمل كده في باسم مرسى وأيمن حفني وعمرو زكي وغيرهم".
واستكمل أحمد بلال: "فين اللاعيبة دلوقتي، حد يقولي راحوا فين، جمهور الزمالك طلع بيهم السماء الزمالك، فجأة ويقولك ده كريستيانو وده ميسي وفي الآخر مفيش بطولة حتى".
وأكمل مهاجم الأهلى الأسبق: "لا أضع مصطفى محمد في دماغى، لما سـألونى عنه نصحته وقولت مهاجم كويس بس محتاج يطور من نفسه في بعض الحاجات مش أكثر من كده خالص ، وطلع بعض الإعلاميين ركبوا التريند وهاجمونى بدون سبب رغم أن الكابتن الكبير على خليل طلع في قناة الزمالك وقال نفس كلامي أن مصطفى محمد مهاجم كويس بس محتاج يطور بعض الحاجات".
وعن عرض الزمالك لضمه قال أحمد بلال: "وأنا راجع من تركيا كلمنى ممدوح عباس وعرض عليا مبلغ كبير للعب للزمالك ولكن رفضت مقدرش ألاقي نفسي في فرقة بتنافس الأهلي".
