عمرو مصطفى: "معنديش رقم تليفون الهضبة.. وهو بيدور عليا مش أنا"
واجهت الإعلامية بسمة وهبة، الملحن والمطرب عمرو مصطفى، بفقرة "القاضية ممكن"، التي تضمنت فيديو لأبرز تصريحاته عن عمرو دياب.
وقال عمرو مصطفى خلال حواره مع الإعلامية بسمة وهبة، ببرنامجها "العرافة" المذاع على قناة "المحور": "معنديش رقم عمرو دياب.. عمرو دياب هو اللي بيدور عليا مش أنا.. خلاص مش هقدر أضيفله حاجة تانية.. أنا اللى عملت عمرو دياب.. وضحيت 15 سنة".
وأشار قائلا: "عمرو كان بينزل بوسترات عشان ما أغنيش لأنه بيغير مني.. وبوعده الفترة اللى جاية هغني وهكون رقم 1 في الوطن العربي في الغناء، وهعمل حفلات.. ولكن لن أشارك في الغناء في الأفراح".
وتابع: "الناس فاكرة إني باخد ملايين.. رغم أني مخدتش غير ألفين جنيه في خليك فاكرني و15 ألف جنيه في أغنية ليلي نهاري.. لو جمعنا كل ده.. مش هيجيب تمن فرحين لعمرو دياب.. عمرو دياب بياخد في فرحين ثمن اللى حصلت أنا عليه في 20 سنة".
برنامج العرافة
ويعد برنامج "العرافة" امتدادا لبرامج بسمة وهبة الرمضانية والتي تعتمد على كشف أدق تفاصيل النجوم وخباياهم وإظهار الوجه الآخر لهم، ما يؤدي لصدمة كبيرة لدى الضيوف والمشاهدين.
