شاركت في 3 حفلات جنس جماعي بمزاج البنات.. أقوال أحد متهمي "جريمة فيرمونت" في واقعة اغتصاب فنانة بالساحل (انفراد)
يواصل "القاهرة 24" نشر نص التحقيقات في القضية رقم 570 لسنة 2021 كلي شرق القاهرة، والمتهم فيها شريف الكومي، ويوسف قرة، وأمير زايد، بمواقعة فنانة بفيلا خاصة بمنطقة مراسي الساحل الشمال، التي كشفت أنهم واقعوا "ياسمين. ح" بغير رضاها، بعد أن دسوا لها مخدرًا في شرابها قاصدين بذلك إعدام إرادتها والتعدي عليها جنسيًا.
ووفقا لنص التحقيقات فإن جهات التحقيق شرعت في سؤال المتهم أمير زايد وجاءت أقواله كالتالي:
س: ما قولك فيما هو منسوب إليك أنك بالاشتراك مع آخرين بأن واقعتوا فتاة بأن وضعتوا لها مادة تفقد الوعي واتصلتم بها جنسيا على النحو المبين بالتحقيقات؟
ج: محصلش
س: كما أنك متهم بانتهاك حرمة الحياة الخاصة للمجني عليها بأن التقط مقطع فيديو مصور في مكان خاص بالساحل الشمالي، حال مواقعتها دون رضاها على النحو المبين بالتحقيقات.
ج: محصلش.
س: إذا ما هي ظروف إلقاء القبض عليك وعرضك علينا الأن وصلتك بالقضية محل التحقيق؟
ج: أنا اللي أعرفه عن الموضوع ده إنى كنت اتعرفت على عمرو فارس الكومي من جولدن جيم في صلاح سالم علشان هو ساكن جنبي في مساكن شيراتون وده تقريبا في أواخر سنة 2012 وأول سنة 2013 وبقينا أصحاب أنا وهو ومجموعته تقريبا لحد 2015 وفي الفترة دي كنا بنخرج على طول مع بعض ونروح حفلات "تي دانس" وكانت حياتنا فيها حرية جامدة وأنا افتكر 3 مرات شاركت في أحداث جنس جماعي، المرة الأولي والثانية كانوا في بيت عمرو فارس وفاكر البنت مكانتشي مصرية، كان معايا اتنين عمرو وقرة وواحد تاني مرة تانية بس اللي فاكره إن البنت مكنتش مصرية، والمرة الثالثة كانت في الساحل، وكان معايا يوسف قرة ومش فاكر البنت كانت مين، وفي المرات دي كلها كان الموضوع بمزاج البنات أكيد، وأنا روحت حفلة "تي دانس" اللي اتكلمو عليها على السوشيال ميديا وكان معايا واحدة صحبتي وبعد ما دخلنا الحفلة كان فيه حفلة "افتر بارتي" في فيرمونت نيل سيتي .
س: ما هو تاريخ تعرفك على المجموعة؟
ج: الشركة بتاعتي أدتني إجازة لحد ما المشكلة بتاعت الفيرمونت تتحل وأنا متعود أسافر أمريكا كل سنة، من 3 أسابيع إلى 3 شهور ما عدا سنة 2018 و 2019 سافرت أماكن تانية، وأنا في المطار كان عندي ميعاد طائرة الساعة التاسعة ونصف الصبح يوم 28 أغسطس اتمسكت وفضلوا متحفظين عليا في المطار لحد ما عرضوني بالليل على النيابة.
س: ما هو تاريخ تعرفك على المجموعة؟
في آخر 2012 أو أول 2013.
س: من منظم تلك الحفلات؟
ج: أحمد الجنزوري.
س: وما توقيتات حضورك لهذه الحفلة؟
ج: هي حفلات "تي دانس" كانت دائما يوم الجمعة وساعات بتتعمل في "لاب دون كايرو" و"الكلوب هاوس" و كانت بتبقي الصبح وساعات لما كانت بتتعمل في الفيرمونت والروف بتتعمل بالليل.
س: وما هي طبيعة هذا النوع من الحفلات؟
ج: هي حفلة كاننت بتبقى مزيكا ورقص وخمرا.
س: ومن هم جمهور هذا النوع من الحفلات؟
ج: هما ناس زينا في الوسط بتاعنا، من سن 21 سنة وممكن 20 سنة لحد سن 30 سنة وممكن تلقي 40 سنة.
س: ما هي شروط دخول الحفلة؟
ج: ساعات كنت بجيب التيكت من مكتب الجنزوري أو حد يجبهالي وساعات كنت بدفع على الباب.
س: ما هي شروط قبول الحجز؟
ج: أنا معرفش هو كان جنزوري بيكون واقف ساعات ويقبل اللي يدخله أو ميقبلوش.
س: وكم سعر هذه التذكرة تحديدا؟
ج: مش عارف
س: ما هي المشروبات التي تقدم في هذه الحفلات؟
ج: كل أنواع المشروبات كحولية وغيرها.
