بسبب خلط البنزين بالمياه.. مواطن يتعرض للضرب والسب من عمال بنزينة (صور وفيديو)
ناشد المواطن أحمد عرفة الرئيس عبد الفتاح السيسي ووزير البترول ورئيس جهاز حماية المستهلك بالتدخل فورا لمعالجة جشع بعض مسؤلي محطات البنزين وقيامهم بخلط البنزين بمياة مما يتسبب في اعطال كثيرة بسياراتهم وصرف الاف الجنيهات على تصليحها.
وقال عرفة في تدوينة له على صفحتة الشخصية بموقع التواصل الاجتماعي فيس بوك أنه تعرض ايضا للسب والضرب من قبل العاملين بالمحطة عندما أظهر لهم أنه كان يقوم بتصوير الحوار مع رئيس المحطة، والى نص الاستغاثة:-
“شير لأوسع نطاق عاوز الفيديو يوصل لرئيس الجمهوريه,وزير البترول،وزير التموين،وزير الداخليه، جهاز حماية المستهلك: يوم ١٠/٧/٢٠١٧ فولت العربيه بنزين من oillibya طريق الأسمرات الوصله اللي بين مدينة نصر و دائري المعادي البنزينه بجانب توكيل BYD و امام توكيل محمد ذكي VW و بعد ما فولت العربيه وقفت بيا و شويه و دارت و سحبها ضعف و صوت ترزيع في الماتور رحت لميكانيكي فورد قالي الماتور بيسقف انت حطيت بنزين زباله علما بأني حاطط ٩٢ انهارده الظهر رحت لميكانيكي تاني فورد قالي نفس الكلام و قالي ارجع للبنزينه يحلو تانك البنزين رحت للبنزينه و صورت كمية قلة الأدب اللي شوفتها و اول ما عرف اني بصور شد الموبايل و ضرب و فيه صور حطيتها تثبت آثار الضرب و اتعمل بيها تقرير الطب الشرعي و قطعو القميص و دلوقتي رايح اعمل محضر في قسم اول مدينة نصر التابع للمنطقه و مش هسيب حقي ياريت كلو يشير و يفضحهم و هنزل و تم عمل محضر يوم الثلاثاء بقسم اول مدينة نصر”.
يذكر أن هذة ليست المرة الأولى للشكوى من محطات البنزين التي تغش في نقاء وجوده ودرجة البنزين.
