رئيس التحرير
محمود المملوك

أمير كرارة يرد على هجوم مها أحمد بسبب "نسل الأغراب": "عمري ما شفتها" (صورة)

أمير كرارة
أمير كرارة

علق الفنان أمير كرارة على الهجوم الذي شنته ضده الفنانة مها أحمد، صباح اليوم، حيث كتبته على حسابها الشخصي بـ"فيس بوك"، منشورًا تحدثت فيه عن تعرضها للخذلان من نجمين بالوسط الفني، ورأى البعض بأنها تقصد كلا من أحمد السقا وأمير كرارة.

وكتب كرارة ردًا على هذه الانتقادات: “يا خالد أنا عمري ما شوفتها أصلا ولله أنا مجدي وخالد وصلاح كامل ناس محترمة دخلت بيتهم.. جملة الدور بينادي صاحبه دي أكيد معرفش بتتقال إزاي والله.. وسبحان الله مع إنها كانت مبسوطة من جملة كتع كسح كتل ومتكلمتش غير بعد قرار محمد سامي لما نزل”، وذلك عبر الحساب الشخصي للصحفي خالد فرج رئيس قسم الفن بجريدة “الوطن”.

تعليق أمير كرارة على هجوم مها أحمد

وجاء منشور مها أحمد على موقع التواصل “فيس بوك” كالتالي: "عوضي على الله دي الجملة اللي دايما بقولها لما اتصدم فأشخاص، الحكاية يا سادة نجمين عملوا مسلسل واتنجمت عليهم بنوتة لسه ألف باء تمثيل، واديتهم على قفاهم وركبت عليهم، إلى أن أصبحت بطلة المسلسل وبطلة الدعاية للمسلسل، وهما راضيين رغم إن طول عمرهم مبيعملوش كده مع أي زميلة لهم أقربها أنا”.

وتابعت: “النجم الأولاني بيني وبينه عيش وملح وزمالة، رشحت فمسلسل بطولته وكان بيقنعني بدور، ولما وافقت بعتولي دور تاني معرفوش دور متعملوش واحدة مبتدأة، المفروض إنه عارف قيمتي الفنية وعارف إني إضافة له، اتهرب مني وموقفش جنبي وباعني، رغم إن الكل عارف إني زي اخته (ندل)، أما التاني كان فبداياته يتمنى يسلم عليا ويقولي يا استاذة، نزلت من نفسي وقلتله مش هنشتغل مع بعض ما هي الحوجة مرة، رد وقالي الدور بينادي صاحبه، طبعا محكلكوش قد ايه ندمت نفسي وعشت أسود أيام حياتي عياط واكتئاب، وقلت عوضي عليك يارب”.

وأضافت: "تمر الأيام والاتنين يعلو ويتجمعوا مع بعض فمسلسل واحد (على عينهم طبعا) ويمثلوا وحش قوي، تمثيل الكفار وطلعوا كمان مبيقروش اللي بيمثلوه، وربنا يركب عليهم بنوتة سنة أولى تمثيل وخبره ويتحول المسلسل والدعاية الدراما كامله لصالحها وهما (مخدماتية للأستاذة)، يمهل ولا يهمل ابدوا من جديد يا أوفر تمثيل ياللي مبتقروش يا كمبارس جنب النجمة، نصيحه بلاش تتشطروا على اللي كان بينكم وبينهم عيش وملح بلاش تتشطروا على اساتذتكوا، عوضنا على الله يارب متحوجنا لحد حتى ولو كان أقرب الناس لينا".

شقيقة أحمد السقا ترد على مها أحمد: "إزاي كنتي بتدخلي بيوتنا رغم الحقد والشماتة اللي متدارين ورا ابتسامة كدابة"

والدة أحمد السقا تعلق بعد منشور مها أحمد: "كومبارس فاشلة تبحث عن الشهرة بطريقة بذيئة"

عاجل