"ومن أحياها".. الحماية المدنية تنقذ قطة سقطت في منور بالفيوم (صور وفيديو)
بين صرخات الجوع والأنين، سقطت “قطة” من فوق سطح أحد العقارات وظلت فترة طويلة دون طعام وشراب، حتى شاهدتها سيدة لم تستطع تحمل صوت أنين القطة وبكائها، وحاولت كثيرًا الاستعانة بأقاربها لكنها لم تجد سبيل غير الاتصال برجال الدفاع المدني لإنقاذها.
كانت البداية عندما تلقت غرفة عمليات الحماية المدنية بلاغًا من سيدة أفادت بسقوط قطة داخل منور العقار التي تقطن به بمنطقة الإصلاح الزراعي بالفيوم التابعة لمركز شرطة أول الفيوم.
على الفور انتقل رجال الحماية المدنية إلى مكان الواقعة، بقيادة الرائد محمد المنشاوي، وتمكنت من إنقاذ القطة وانتشالها من المنور بعد عملية استغرقت أكثر من ساعتين.
ونشرت سيدة تدعي “سارة سعيد طحاوي” استغاثة عبر صفحتها على مواقع التواصل الاجتماعي “فيس بوك”، لإنقاذ قطة سقطت في منور العقار المقيمة به.
وتابعت: "في البداية كان في صوت قطة سمعاه من امبارح في المنور عندي، في الأول قلت يمكن قطة بتنام تحت عادي وقبل ما أنام بصيت لقيتها مكانها مش بتتحرك إلا حركة خفيفة، رميت ليها أكل ونزلت السبت علشان تطلع وفضلت ماسكة السبت من بالليل لحد 6 الصبح، على أمل أنها تطلع مفيش والمكان تحت اتضح أنه مقفول أصلا، وهي واقعة من السطح، ومع احترامي للجميع بس محدش إداني أي اهتمام كأن اللي وقعت دي لعبة بلاستيك، وكمان مفيش حد فالدور الأول اتصلت بالنجدة 122 وردوا عليا وفي ظرف ربع وساعة والله بعتولي العربية دي وقوة من الحماية المدنية"
وأكملت: "قعدوا أكتر من ساعة علشان يلاقوا مكان يدخلوا منه ويجيبوها وأكتر من ساعة كمان علشان يحاولوا يمسكوها الحمدلله مكانش فيها كسور كان بس في مكان دم ع مناخيرها".
واختتمت: "في ضابط كان متابع معايا واتصل مرتين وظابط تاني في منتهى الذوق والأدب قالي نتابع معاه مجرد ما تطلع والحمد لله طلعت في أمان وربنا يديهم الصحة والعافية يارب ويجازيهم كل خير".
